byసూర్య | Wed, Sep 20, 2023, 01:01 PM

సిద్దిపేట జిల్లా కేంద్రంలోని హౌసింగ్‌ బోర్డు కాలనీలో మంగళవారం సాయంత్రం ఘర్షణ చోటుచేసుకుంది. వివరాల్లోకి వెళ్ళితే...... యాదాద్రి జిల్లా ఆలేరుకు చెందిన గుండు సాయికిరణ్‌ అనే యువకుడు సిద్దిపేట పట్టణానికి చెందిన ఒక అమ్మాయిని కలవడానికి రాగా అతడిపై అమ్మాయి బంధువులు కత్తితో దాడి చేశారు. ఈ దాడిలో తీవ్రంగా గాయపడ్డ సాయికిరణ్‌ను స్థానికులు వెంటనే చికిత్స నిమిత్తం ప్రభుత్వ ఆసుపత్రికి తరలించారు. ఈ సమాచారమందుకున్న వన్‌ టౌన్‌ సీఐ కృష్ణారెడ్డి తన సిబ్బందితో కలిసి సంఘటనా స్థలానికి చేరుకొని దర్యాప్తును చేపట్టారు. ఈ దాడికి ప్రేమ వ్యవహారమే కారణమని, దాడి చేసింది అమ్మాయి మేన బావ అని స్థానికంగా చర్చించుకుంటున్నారు. సాయికిరణ్‌ మెడపై కత్తితో దాడి చేయడంతో పరిస్థితి విషమంగా ఉన్నట్టు చెప్పారు.