నేడు పాకిస్థాన్, న్యూజిలాండ్ మధ్య మ్యాచ్

టీ20 ప్రపంచకప్‌లో మంగళవారం రాత్రి 7.30 గంటల నుంచి పాకిస్థాన్, న్యూజిలాండ్ మధ్య మ్యాచ్ జరగనుంది. సూపర్-12లో గ్రూప్-2లోని ఈ మ్యాచ్ షార్జాలో జరుగుతోంది. ఆదివారం జరిగిన తొలి మ్యాచ్‌లో టీమిండియాపై పాకిస్థాన్ 10 వికెట్ల తేడాతో విజయం సాధించింది. అంటే 48 గంటల్లోనే రెండో మ్యాచ్ ఆడేందుకు పాక్ టీమ్ సిద్ధమైంది. ఈ మ్యాచ్‌లో పాకిస్థాన్ జట్టు గెలిస్తే సెమీఫైనల్‌లోకి ప్రవేశించడం దాదాపు ఖరారైనట్లే. ఆ తర్వాత ఆఫ్ఘనిస్థాన్, స్కాట్లాండ్, నమీబియాలతో పాకిస్థాన్ ఆడాల్సి ఉంది. ఇందులో రెండు మ్యాచ్‌లు గెలవడం పాకిస్థాన్‌కు పెద్ద కష్టమేమీ కాదు.ఎప్పుడు: పాకిస్థాన్ vs న్యూజిలాండ్, 19 వ మ్యాచ్, సూపర్ 12 గ్రూప్ 2, రాత్రి 7:30 గంటలకు

ఎక్కడ: షార్జా క్రికెట్ స్టేడియం

లైవ్ స్ట్రీమింగ్: స్టార్ స్పోర్ట్స్, డిస్నీ హాట్‌స్టార్ యాప్‌లో ప్రత్యక్ష ప్రసారం చూడొచ్చు.

పిచ్ రిపోర్ట్

షార్జా మైదానంలో ఈ మ్యాచ్ జరగనుంది. ఈ మైదానంలో శ్రీలంక వర్సెస్ బంగ్లాదేశ్ మధ్య అత్యధిక స్కోరింగ్ మ్యాచ్ జరిగింది. ఇక్కడ రెండు జట్లు కలిసి మొత్తం 300 కంటే ఎక్కువ పరుగులు సాధించాయి. స్కాట్లాండ్‌పై ఆఫ్ఘనిస్తాన్ కూడా 190 పరుగుల స్కోర్‌ను సెట్ చేసింది. చిన్న మైదానం కారణంగా, న్యూజిలాండ్ వర్సెస్ పాకిస్తాన్ మధ్య మ్యాచ్‌లో బ్యాట్స్‌మెన్ వికెట్ నుంచి కూడా చాలా సహాయం పొందవచ్చు.

న్యూజిలాండ్ వర్సెస్ పాకిస్థాన్ మ్యాచు హోరాహోరీగా సాగనుందడనండలో సందేహం లేదు. ఎందుకంటే, భద్రతా కారణాలను చూపుతూ ఇటీవలే పాకిస్థాన్ పర్యటనను న్యూజిలాండ్ రద్దు చేసుకుంది. తొలి వన్డేకు కొన్ని నిమిషాల ముందు న్యూజిలాండ్‌కు తిరిగి వెళ్లాలని నిర్ణయించుకుంది. దీంతో ఈ మ్యాచ్ ప్రస్తుతం భారత్ వర్సెస్ పాకిస్తాన్ మ్యాచులా తయారైంది. అప్పటి నుంచి పాకిస్తాన్ జట్టు, పాక్ ప్రజలు న్యూజిలాండ్‌ను చావుదెబ్బ కొట్టాలని ఆశపడుతున్నారు. ఈ కోణంలో, ఈ మ్యాచ్ హై వోల్టేజ్ కావచ్చు. దీనిపై పాక్ ఆటగాళ్లు ఆగ్రహం వ్యక్తం చేశారు. పాకిస్థాన్ ఆటగాళ్లు ఇప్పుడు మైదానంలో కూడా అదే కోపాన్ని బయటపెట్టాలనుకుంటున్నారు.

బంగ్లాదేశ్‌లో ఓడినా..

బంగ్లాదేశ్‌ పర్యటనలో కివీ జట్టు ఆటతీరు బాగాలేదు. దీంతో టీ20 సిరీస్‌లో ఓటమి చవిచూడాల్సి వచ్చింది. అయితే ఐసీసీ టోర్నీల్లో కివీ జట్టు ఆట ఎప్పుడూ అద్భుతంగానే ఉంది. యూఏఈ పరిస్థితుల్లో ఆసియా జట్లపై న్యూజిలాండ్ ఎలా రాణిస్తుందో చూడాలి.

షాహీన్ మొదటి ఓవర్‌పై కివీస్ కన్ను..

భారత్‌తో జరిగిన మ్యాచ్‌లో తొలి ఓవర్‌లోనే రోహిత్ శర్మను షాహీన్ షా ఆఫ్రిది అవుట్ చేశాడు. షహీన్ ఇప్పటికే 62 టీ20 ఇంటర్నేషనల్ ఇన్నింగ్స్‌లో 22 సార్లు తొలి ఓవర్లలో వికెట్లు తీశాడు.

మిచెల్ సాంట్నర్ న్యూజిలాండ్ జట్టుపై కన్నేశాడు. రౌండ్ ద వికెట్‌లో వస్తున్న అతను తన లెఫ్ట్ ఆర్మ్ స్పిన్ బౌలింగ్‌తో ఎలాంటి బ్యాటింగ్ ఆర్డర్‌నైనా ఇబ్బంది పెట్టగల సత్తా కలిగి ఉన్నాడు. పవర్ ప్లేలో పాకిస్థాన్ జట్టు ఇమాద్ వాసిమ్‌ను ఉపయోగించిన విధంగా, న్యూజిలాండ్ కూడా సాంట్నర్ కంటే ముందు 6 ఓవర్లలో బౌలింగ్ చేయగలదు.

టీం న్యూస్:

పాకిస్థాన్ టీం భారత్‌పై అద్భుత విజయం సాధించింది. దీంతో ప్లేయింగ్ ఎలెవన్‌లో పెద్దగా మార్పులు చేయాలిని కోరుకోదు. ఇక న్యూజిలాండ్ టీంలో ఫాస్ట్ బౌలింగ్‌లో ఫెర్గూసన్, జేమీసన్‌లలో ఎవరికైనా అవకాశం లభిస్తుంది.

షార్జాలోని కొత్త పిచ్‌పై మ్యాచ్ జరగనుంది. ఇక్కడ పిచ్‌లు నెమ్మదిగా ఉంటాయి. రెండో ఇన్నింగ్స్‌లో మంచు కూడా పాత్ర పోషిస్తుంది. కాబట్టి టాస్ గెలిచిన జట్టు ముందుగా బౌలింగ్ చేయాలని నిర్ణయించుకోవచ్చు.

మీకు తెలుసా?

– న్యూజిలాండ్ టీ20 ప్రపంచకప్‌లో పాకిస్థాన్‌పై ఆడిన 5 మ్యాచ్‌ల్లో 3 గెలిచింది.

– 100 టీ20 అంతర్జాతీయ వికెట్లకు కివీస్ బౌలర్ సౌదీ ఒక్క అడుగు దూరంలో ఉన్నాడు.

– బాబర్ అజామ్, మొహమ్మద్ రిజ్వాన్ 2021 లో మూడుసార్లు 150+పైగా పరుగుల భాగస్వామ్యాన్ని కలిగి ఉన్నారు.

– పాకిస్తాన్ 2016 నుంచి యూఏఈలో జరిగిన చివరి 12 మ్యాచ్‌లలో ప్రతీ ఒక్కటి గెలిచింది.

– గప్టిల్ ఆసియాలో తన 41 ఇన్నింగ్స్‌లలో సగటు 19.53 మాత్రమే. ఈ ప్రాంతంలో తన స్ట్రయిక్ రేటు కూడా 119.2 కంటే తక్కువగా ఉంది.

టాప్ పిక్ – వికెట్ కీపర్

మహ్మద్ రిజ్వాన్ – మహ్మద్ రిజ్వాన్ ఈ మ్యాచ్‌లో వికెట్ కీపర్‌గా బరిలోకి దిగనున్నాడు. రిజ్వాన్ టీ20 స్పెషలిస్ట్, ఓపెనింగ్ ఓవర్లలో భాగస్వామ్యాన్ని ఎలా నిర్మించాలో అతనికి బాగా తెలుసు. భారత్‌పై కూడా అతను అద్భుతంగా బ్యాటింగ్ చేస్తూ కేవలం 55 బంతుల్లోనే అజేయంగా 79 పరుగులు చేశాడు. పాకిస్థాన్‌ తరపున నిలకడగా రాణిస్తున్నాడు. ఇప్పటి వరకు ఆడిన 44 టీ20 మ్యాచ్‌ల్లో 52 సగటుతో 1144 పరుగులు చేశాడు.

టాప్ పిక్ – బ్యాట్స్‌మెన్

బాబర్ ఆజం- పాకిస్థాన్ కెప్టెన్ బాబర్ ఆజం ఫుల్ ఫాంలో ఉన్నాడు. భారత్‌తో జరిగిన హై వోల్టేజ్ గేమ్‌లో అద్భుతంగా ఆడాడు. 52 బంతుల్లో 6 ఫోర్లు, 2 సిక్సర్ల సహాయంతో అజేయంగా 68 పరుగులు చేశాడు. కివీస్‌పై కూడా బాబర్ తన జోరును కొనసాగించాలనుకుంటున్నాడు.

కేన్ విలియమ్సన్- న్యూజిలాండ్ కెప్టెన్ కేన్ విలియమ్సన్ గొప్ప ఆటగాళ్లలో ఒకడు. కివీస్ కెప్టెన్ తన టీ20 కెరీర్‌లో 31.66 సగటుతో 1805 పరుగులు చేశాడు. పాకిస్థాన్‌పై జట్టుకు పెద్ద ఇన్నింగ్స్‌ ఆడే బాధ్యత అతని భుజాలపై ఉంది.

టాప్ పిక్ – ఆల్ రౌండర్

షాదాబ్ ఖాన్ – పాకిస్తాన్ ఆటగాడు షాదాబ్ ఖాన్ బంతి, బ్యాట్‌తో మ్యాచ్‌ను ఏ క్షణంలోనైనా మార్చడంలో ప్రసిద్ధి చెందాడు. భారత్‌పై, అతను బంతితో బాగా రాణించి రిషబ్ పంత్ వికెట్ తీశాడు.

టాప్ పిక్ – బౌలర్లు

షహీన్ షా ఆఫ్రిది – టీమిండియాపై పాకిస్థాన్ విజయానికి షహీన్ అఫ్రిది ప్రధాన కారణం. తన తొలి రెండు ఓవర్లలో రోహిత్ శర్మ, కేఎల్ రాహుల్ వికెట్లు తీసి ఆ తర్వాత విరాట్ కోహ్లీకి పెవిలియన్ దారి చూపించాడు. ఇప్పటి వరకు ఆడిన 31 టీ20 మ్యాచ్‌ల్లో 25.94 సగటుతో 34 వికెట్లు తీశాడు. తన స్వింగ్ బౌలింగ్‌తో మ్యాచ్ విన్నర్‌గా నిరూపించుకున్నాడు.

లాకీ ఫెర్గూసన్ – కివీస్ ఫాస్ట్ బౌలర్ లాకీ ఫెర్గూసన్ తన వేగానికి ప్రసిద్ధి చెందాడు. అతను 145 కిలోమీటర్ల వేగంతో నిరంతరంగా బౌలింగ్ చేయగలడు. ఎలాంటి పరిస్థితుల్లోనైనా వికెట్లు తీయడంలో నిష్ణాతుడు.

పాకిస్తాన్ ప్లేయింగ XI అంచనా: బాబర్ అజామ్ (కెప్టెన్), మొహమ్మద్ రిజ్వాన్ (కీపర్), ఫఖర్ జమాన్, మహ్మద్ హఫీజ్, షోయబ్ మాలిక్, ఆసిఫ్ అలీ, ఇమాద్ వసీం, షాదాబ్ ఖాన్, హసన్ అలీ, హారిస్ రౌఫ్, షహీన్ అఫ్రిది

న్యూజిలాండ్ ప్లేయింగ XI అంచనా: మార్టిన్ గప్టిల్, టిమ్ సీఫర్ట్ (కీపర్), కేన్ విలియమ్సన్ (కెప్టెన్), డెవాన్ కాన్వే, గ్లెన్ ఫిలిప్స్, జిమ్మీ నీషమ్, మిచెల్ సాంట్నర్, డారిల్ మిచెల్/టాడ్ ఆస్ట్లే, లాకీ ఫెర్గూసన్, ఇష్ సోధి, ట్రెంట్ బౌల్ట్

స్క్వాడ్‌లు:

న్యూజిలాండ్ జట్టు: మార్టిన్ గప్టిల్, డెవాన్ కాన్వే, గ్లెన్ ఫిలిప్స్, కేన్ విలియమ్సన్ (కీపర్), టిమ్ సీఫర్ట్ (కీపర్), డారిల్ మిచెల్, మిచెల్ సాంట్నర్, టిమ్ సౌతీ, ట్రెంట్ బౌల్ట్, లాకీ ఫెర్గూసన్, ఇష్ సోధి, టాడ్ ఆస్ట్లే, కైల్ జమీసన్ చాప్మన్, జేమ్స్ నీషమ్

పాకిస్థాన్ జట్టు: మహ్మద్ రిజ్వాన్ (కీపర్), బాబర్ అజామ్ (కెప్టెన్), ఫఖర్ జమాన్, మహ్మద్ హఫీజ్, షోయబ్ మాలిక్, ఆసిఫ్ అలీ, ఇమాద్ వసీం, షాదాబ్ ఖాన్, హసన్ అలీ, హారిస్ రౌఫ్, షహీన్ అఫ్రిది, హైదర్ అలీ, మహ్మద్ వసీం జూనియర్, మహ్మద్ నవాజ్, సర్ఫరాజ్ అహ్మద్