byసూర్య | Tue, Jun 25, 2024, 07:42 PM

రాజకీయాల్లో నాయకులకు బలం, బలగం అంతా కార్యకర్తలే. తన అభిమాన నేత క్షేత్రస్థాయిలో జనాల్లోకి తీసుకెళ్లేది వాళ్లే. ఆయన కోసం రాత్రి పగలూ తేడా లేకుండా కష్టపడుతుంటారు. తమ నాయకుని కోసం రక్తం కాడు చిందుస్తుంటారు. అయితే.. ఇదంతా సినిమాల్లోనే చూస్తుంటాం బయటల అలా ఏం ఉండదు అనుకుంటున్నారేమో.. రియల్‌గా కూడా అలాంటి కార్యకర్తలు ఉన్నారు. అయితే.. రక్తం చిందించడాలంటే.. ఒకరినోకరు కొట్టుకోవటమో, తలలు పగలగొట్టుకోవటమో, కత్తులు పట్టుకుని నరుక్కోవటమో అనుకునేరు. తన రక్తంతో అభిమాన నేత ఫొటోను చిత్రీకరించి.. బహుమానంగా ఇచ్చి తన అభిమానాన్ని చాటుకునే కార్యకర్తలు కూడా ఉన్నారు. అయితే.. ఈ వార్త చదివేసేయండి.

జనగాం జిల్లా దేవరుప్పుల మండలానికి చెందిన అశోక్.. కాంగ్రెస్ పార్టీ సోషల్ మీడియా కార్యకర్తగా పని చేస్తున్నాడు. పాలకుర్తి ఎమ్మెల్యే యశస్విని రెడ్డి పై తనకున్న అభిమానాన్ని చాటుకునేందుకు.. ఆమె ఫొటోను తన రక్తంతో గీయించారు. తన రక్తంతో గీయించిన చిత్రపటాన్ని ఫ్రేమ్ కట్టించి.. ఆమెకే బహూకరించి తన అభిమానాన్ని చాటుకున్నాడు. ఆదివారం రోజున పాలకుర్తి మిషన్ భగీరథ గెస్ట్ హౌస్‌లో యశస్విని రెడ్డిని మర్యాదపూర్వకంగా కలిసిన అశోక్.. ఈ చిత్రపటాన్ని అందజేశారు. ఈ చిత్రపటాన్ని చూసి.. యశస్విని రెడ్డి ఆశ్చర్యం వ్యక్తం చేశారు. తనపై అభిమానం చూపిస్తోన్న అశోక్‌ను అభినందించటంతో పాటు.. ఇలాంటి పనులు చేయకూడదంటూ సున్నితంగా హెచ్చరించారు యశస్విని రెడ్డి.

తెలంగాణ శాసనసభకు ఎంపికైన అతిపిన్న వయసు ఎమ్మెల్యే మామిడాల యశస్విని రెడ్డి. 2023లో జరిగిన అసెంబ్లీ ఎన్నికల్లో పాలకుర్తి అసెంబ్లీ నియోజక వర్గం నుంచి కాంగ్రెస్ అభ్యర్థిగా బరిలోకి దిగి.. సుదీర్ఘ రాజకీయ అనుభవం ఉన్న సీనియర్ నాయకుడు ఎర్రబెల్లి దయాకర్ రావును ఓడించి రికార్డు సృష్టించారు. ఎర్రబెల్లి దయాకర్ రావుపై 47132 ఓట్ల భారీ మెజార్టీతో విజయం సాధించారు. తెలంగాణ రాష్ట్రం ఏర్పాటయ్యాక ఎంపికైన అతి చిన్న వయసు ఎమ్మెల్యేగా యశస్విని రెడ్డి నిలిచారు.