byసూర్య | Fri, Dec 01, 2023, 11:11 AM

నాగార్జునసాగర్ వద్ద ఉద్రిక్త పరిస్థితులు కొనసాగుతున్నాయి. ముళ్లకంచెల నడుమ సాగర్‌ డ్యామ్‌పై పోలీసులు బందోబస్తు నిర్వహిస్తున్నారు. నేడు ఇరు రాష్ట్రాలకు చెందిన ఐజీ స్థాయి అధికారులు అక్కడికి చేరుకుని పరిస్థితిని అంచనా వేసే అవకాశముంది. ఇప్పటికే సుమారు 4వేల క్యూసెక్కుల నీటిని ఏపీ విడుదల చేసుకుంది. ప్రస్తుతం సాగర్‌లో 522 అడుగుల నీటిమట్టం ఉండగా.. మరో 12 అడుగులకు చేరితే డెడ్‌ స్టోరేజీకి చేరే అవకాశముంది.
నాగార్జున సాగర్‌ కుడి కాల్వ వద్ద ఇంకా ఉద్రిక్త పరిస్థితి కొనసాగుతుంది. గురువారం అర్థరాత్రి మెయిన్ గేట్ నుండి ఏపీ పోలీసులు చొచ్చుకుని వచ్చి 13గేట్లకు బారికేడ్లు, ఇనుప కంచె ఏర్పాటు చేశారు. అయితే NSP అధికారులు ఏపీ పోలీసులను వెనుదిరగాలని ఆదేశిస్తున్నారు. సమస్యను సామరస్యంగా పరిష్కరించుకోవాలన్నారు. వెయ్యికి మందికి పైగా పోలీసు బలగాలు మోహరించాయి. కాగా మొన్న రాత్రి నుండి హైడ్రామా కొనసాగుతుంది.