byసూర్య | Tue, Sep 24, 2024, 10:10 PM

కోరుట్ల ఎమ్మెల్యే కల్వకుంట్ల సంజయ్ అరెస్ట్ ను బిఆర్ఎస్ నాయకులు ఖండించారు. సోమవారం రాత్రి మెట్ పల్లి పట్టణంలోని బిఆర్ఎస్ పార్టీ కార్యాలయంలో నాయకులు విలేకరులతో మాట్లాడారు. రాష్ట్ర ప్రభుత్వం తమ తప్పిదాలను కప్పిపుచ్చుకునేందుకే బిఆర్ఎస్ నాయకులను అక్రమంగా అరెస్టు చేస్తోందని విమర్శించారు. పేద ప్రజలకు సరైన వైద్య సదుపాయాలు అందడం లేదని ఆసుపత్రిని తనిఖీ చేసేందుకు వెళ్లిన కోరుట్ల ఎమ్మెల్యే కల్వకుంట్ల సంజయ్, మాజీ ఎమ్మెల్యే మెతుకు ఆనంద్, మాజీ ఉపముఖ్యమంత్రి తాటికొండ రాజయ్యలను పోలీసులు అక్రమంగా అరెస్టు చేశారని విమర్శించారు.
ఆసుపత్రులను తనిఖీ చేస్తే తమ బండారం బయటపడుతుందన్న భయంతో ప్రభుత్వం అక్రమంగా అరెస్టు చేయించిందని ఆరోపించారు. ఇప్పటికైనా ప్రభుత్వం అక్రమ అరెస్టులు నిలిపివేసి స్వచ్ఛమైన పాలన అందించాలని నాయకులు కోరారు. ఈ కార్యక్రమంలో మాజీ ఎంపీపీ మారు సాయి రెడ్డి, నాయకులు ఎల్ల చంద్రయ్య, ఒజ్జల శ్రీనివాస్, వెంకటేష్, వాజిద్, కళ్యాణ్, గంగాధర్ తదితరులు పాల్గొన్నారు.