byసూర్య | Wed, May 29, 2024, 11:38 AM

హైదరాబాద్‌ కేంద్రీయ విశ్వవిద్యాలయానికి (హెచ్సీయూ) అంతర్జాతీయ స్థాయి గుర్తింపు లభించింది. జాతీయ, అంతర్జాతీయ స్థాయిలో వివిధ కోర్సులు అభ్యసించే విద్యార్థుల కోసం నిర్దిష్టమైన ప్రమాణాలు పాటిస్తున్న విద్యా సంస్థలను స్టడీ అబ్రాడ్‌ ఎయిడ్‌ సంస్థ ఈ ఏడాది ఎంపిక చేసింది.ఈ జాబితాలో హెచ్సీయూకు చోటు దక్కింది. మొత్తం 20 ఆసియా దేశాల్లోని 3,349 విద్యా సంస్థల్లోని విద్యా ప్రమాణాలను ఈ సంస్థ పరిగణనలోకి తీసుకుంది.వాటిపై అధ్యయనం చేసి, క్షుణ్నంగా పరిశీలించి.. ఇందులో 12 శాతం అత్యుత్తమ విద్యాసంస్థలను ఎంపిక చేసింది. ఈ జాబితాలో హైదరాబాద్‌ కేంద్రీయ విశ్వవిద్యాలయం చోటు దక్కించుకుంది. ఈ జాబితాలో స్థానం సంపాదించినందుకు సంతోషంగా ఉందని హెచ్‌సీయూ వీసీ ప్రొ.బీజేరావు తెలిపారు. అంతర్జాతీయ విద్యార్థులకు తమ వర్సిటీ మొదటి ఎంపికగా ఉండేలా కృషి చేస్తామని అన్నారు.