byసూర్య | Sat, Apr 27, 2024, 08:47 PM

ఇటీవల కాలంలో చిన్న చిన్న కారణాలకే ఆత్మహత్యలు చేసుకుంటారు. క్షణికావేశంతో ఎంతో విలువైన జీవితాలను నాశనం చేసుకుంటున్నారు. దంపతుల మధ్య గొడవలు సర్వసాధారణం. పది నిమిషాలు ప్రశాంతంగా కూర్చుని మాట్లాడుకుంటే.. ఎంతడి గొడవలైనా పరిష్కారం అవుతాయి. అయితే కొందరు దంపతులు మాత్రం మెుండిగా ప్రవర్తిస్తూ.. ప్రాణాలు తీసుకుంటారు. తాజాగా.. హైదరాబాద్‌లో ఓ వ్యక్తి భార్య తిట్టిందని ఆత్మహత్య చేసుకున్నాడు.

వివరాల్లోకి వెళితే.. హైదరాబాద్ శివారు..అమీన్‌పూర్‌ పురపాలిక బీరంగూడ మంజీరానగర్‌లో ఉంటున్న శ్రీనివాస్‌(29), రమణ దంపతలు. మద్యానికి బానిసైన శ్రీనివాస్ ఏ పని చేయకుండా ఇంటివద్దే ఉంటున్నాడు. ఈ విషయమై భార్య భర్తల మధ్య గత కొంతకాలంగా గొడవలు జరగుతున్నారు. శుక్రవారం ఉదయం ఇదే విషయమై మరోసారి గొడవ జరిగింది. సంపాదించకుండా ఇంటివద్దే ఉంటే ఎలా అంటూ గొడవపడిన రమణి.. ఆమె రోజువారి కూలీ పనికి వెళ్లింది.

భార్య తిట్టిందని మనస్థాపం చెందిన శ్రీనివాస్.. ఇక బతకం వృథా అని నిర్ణయించుకున్నాడు. ఇంట్లోనే చీరతో ఫ్యాన్‌కు ఉరి వేసుకున్నాడు. రమణ ఫోన్‌చేస్తే స్పందన లేకపోవడంతో తన బావ సైదులుకు సమాచారమిచ్చింది. సైదులు కుమారుడు సాగర్‌ వెళ్లి చూడగా.. శ్రీనివాస్ ఫ్యాన్‌కు వేలాడుతూ కనిపించాడు. వెంటనే కిందికి దించి ఆసుపత్రికి తీసుకెళ్లినా ప్రయోజనం లేకుండా పోయింది. ఘనటపై కేసు నమోదు చేసుకున్న పోలీసులు విచారణ చేపట్టారు. అయితే ఈ ఘటన స్థానికంగా చర్చనీయాంశమైంది. పని చేయకుండా భార్య తిట్టిందని ఆత్మహత్య చేసుకోవటం ఏంటని అంటున్నారు. మరీ ఇంత సెన్సిటివ్‌గా ఉంటే ఎలా అని చర్చించుకుంటున్నారు.