byసూర్య | Fri, Mar 29, 2024, 11:44 AM

ఇళ్ల మధ్య ఉన్న స్క్రాప్ గోడౌన్‌లో భారీ అగ్నిప్రమాదం జరిగింది. ఒక్కసారిగా మంటలు చెలరేగి పక్కనే ఉన్న ఇళ్లకు వ్యాపించాయి. రంగారెడ్డి జిల్లా శంషాబాద్‌ మున్సిపాలిటీ పరిధిలోని రోడ్డుపై ఈ ఘటన చోటుచేసుకుంది. వివరాల్లోకి వెళితే.. రంగారెడ్డి జిల్లా శంషాబాద్ మున్సిపాలిటీ శంషాబాద్ షాబాద్ మెయిన్ రోడ్డు పక్కనే ఉన్న ప్రియాంక గ్యాస్ గోడౌన్ పక్కనే ఉన్న భారీ స్క్రాప్ గోడౌన్‌లో శుక్రవారం ఉదయం భారీ అగ్నిప్రమాదం జరిగింది. దట్టమైన పొగలు చుట్టు పక్కల ఇళ్లకు వ్యాపించడంతో ఇళ్ల నుంచి పరుగులు తీశారు. వెంటనే ఘటనాస్థలికి చేరుకున్న పోలీసులు ఇళ్లను ఖాళీ చేయించి అగ్నిమాపక సిబ్బందితో మంటలను ఆర్పేందుకు ప్రయత్నిస్తున్నారు.