byసూర్య | Fri, Jun 02, 2023, 08:10 PM

మీ రాష్ట్రం అన్ని రంగాల్లో ముందడుగు వేయాలని తెలంగాణ ప్రజలకు రాష్ట్ర ఆవతరణ శుభాకాంక్షలను ప్రధాని నరేంద్ర మోడీ తెలియజేశారు. ఇదిలావుంటే  తెలంగాణ రాష్ట్ర ఆవిర్భావ వేడుకలు రాష్ట్రవ్యాప్తంగా ఘనంగా ప్రారంభమయ్యాయి. స్వరాష్ట్రం ఏర్పడి నేటితో తొమ్మిదేళ్లు పూర్తయి పదో వసంతంలోకి అడుగుపెడుతున్న తరుణంలో రాష్ట్ర ప్రభుత్వం తరపున ప్రత్యేక కార్యక్రమాలు చేపట్టారు. ఇవాళ్టి నుంచి జూన్ 22 వరకు మెుత్తం 21 రోజుల పాటు రోజుకో ప్రత్యేక కార్యక్రమం చొప్పు రాష్ట్ర ఆవిర్బావ వేడుకలు నిర్వహించనున్నట్లు రాష్ట్ర ప్రభుత్వం వెల్లడించింది. పల్లె నుంచి పట్నం దాకా.. వాడవాడలా రాష్ట్ర ఆవతరణ దశాబ్ది ఉత్సవాలు నిర్వహించాలని సీఎం కేసీఆర్ పిలుపునిచ్చారు.

ఇదిలా ఉండగా.. తెలంగాణ ప్రజలకు ప్రధాని నరేంద్ర మోదీ రాష్ట్ర ఆవిర్భావ దినోత్సవ శుభాకాంక్షలు తెలిపారు. ఈ మేరకు తెలుగులో ట్వీట్ చేసిన ఆయన.. తెలంగాణ ప్రజల నైపుణ్యాలు, సంస్కృతీ వైభం ఎంతో గుర్తింపు పొందాయని కొనియాడారు. తెలంగాణ శ్రేయస్సు, సౌభాగ్యం కోసం తాను ప్రార్థస్తున్నట్లు తెలిపారు. ప్రధాని మోదీ చేసిన ఈ ట్వీట్‌ను పలువురు రీట్విట్ చేస్తున్నారు. తెలంగాణ ప్రజల తరపున ఆయనకు ధన్యవాదాలు తెలుపుతున్నారు. రాష్ట్రపతి ద్రౌపది ముర్ము కూడా తెలంగాణ ప్రజలకు రాష్ట్ర ఆవతరణ దినోత్సవ శుభాకాంక్షలు తెలిపారు.

ఇక కేంద్ర ప్రభుత్వం ఆధ్వర్యంలో గోల్కొండ కోటలో తెలంగాణ రాష్ట్ర ఆవతరణ దశాబ్ది ఉత్సవాలు వైభవంగా ప్రారంభమయ్యాయి. కేంద్ర సాంస్కృతిక శాఖ ఆధ్వర్యంలో ఈ వేడుకలు నిర్వహిస్తున్నారు. కేంద్రమంత్రి కిషన్ రెడ్డి జాతీయ పతాకావిష్కరణ చేసి ఉత్సవాలను ప్రారంభించారు. ఈ వేడుకల్లో ఏర్పాటు చేసిన పలు సంస్కృతిక కార్యక్రమాలు ఆహుతులను ఆకట్టుకున్నాయి.

జనసేన అధినేత పవన్ కల్యాణ్ సైతం తెలంగాణ ప్రజలకు రాష్ట్ర ఆవిర్భావ దినోత్సవ శుభాకాంక్షలు తెలిపారు. 4 కోట్ల ప్రజల ఆకాంక్షలకు, వేలాది మంది ఆత్మ బలిదానాలతో సాధించుకున్నది తెలంగాణ రాష్ట్రమన్నారు. అన్ని రంగాల్లో ముందడుగు వేయాలని, అభివృద్ధి పథంలో దూసుకెళ్ళాలని జనసేనపార్టీ తరపున ఆకాంక్షించారు. ఈ మేరకు ట్వీట్ చేసిన ఆయన తెలంగాణ అమరవీరులకు నివాళులు అర్పిస్తున్నామని తెలిపారు.