byసూర్య | Fri, Jun 02, 2023, 07:16 PM

తెలంగాణ రాజకీయాల్లో మంత్రి హరీశ్ రావు నిత్యం నియోజవర్గంలో పర్యటిస్తూ.. ప్రజలకు అందుబాటులో ఉంటారనే పేరుంది. తాజాగా.. ఆయన నియోజవర్గంలో పర్యటించగా.. ఓ ఆసక్తికర సన్నివేశం చోటు చేసుకుంది. నియోజవర్గంలోని ఓ గ్రామంలో ఇటీవల పర్యటించిన మంత్రి హరీశ్ రావు అక్కడి స్థానికుడుతో ఆసక్తిరంగా ముచ్చటించారు. తనకు ఎమ్మెల్యేగా నూటికి ఎన్ని మార్కులు వేస్తావంటూ అతడిని మంత్రి హరీశ్ ప్రశ్నించారు. తాను ఎమ్మెల్యేగా ఏ పాటి పనిచేశానో చెప్పాలని డబ్బలో 100 ఓట్లు పడితే తనకు ఎన్ని ఓట్లు వస్తాయో చెప్పాలన్నారు. దానికి గ్రామస్థుడు 100కు 100 మీకే పడతాయని చెప్పటంతో హరీశ్ నవ్వుకున్నారు.

'100కు 100 నాకే ఎట్లొస్తయ్.. గ్రామంలో అటు ఇటు ఉండేటోడు ఉండడా?' అంటూ సరదాగా ప్రశ్నించారు. ఇక గ్రామంలో ప్రజలు అడగనిది.. తాను చేయనది పని ఏమైనా ఉన్నదా అని అడగ్గా.. ఏమీ లేవని గ్రామస్థుడు బదులిచ్చాడు. అన్ని పనులు పూర్తయ్యాయని చేయటానికి ఇంకా ఏమీ లేవని గ్రామస్తుడు సమాధానం ఇచ్చారు. దీంతో అక్కడఉన్నవారు నవ్వుకున్నారు. ప్రస్తుతం ఈ వీడియో సోషల్ మీడియాలో వైరల్‌గా మారింది.