byసూర్య | Mon, Jan 21, 2019, 04:36 PM

జగిత్యాల : ఆ గ్రామంలో పంచాయతీ ఎన్నికలు రసవత్తరంగా జరిగాయి. ఎందుకంటే కేవలం 51 ఓట్లు సాధిస్తే సర్పంచ్ పదవి దక్కినట్లే. అయితే సర్పంచ్ పదవికి ఇద్దరు వ్యక్తులు పోటీ పడగా.. అందులో ఒకాయన 59 ఓట్లు సాధించి సర్పంచ్ పదవికి అర్హత పొందాడు. 106 ఓటర్లున్న ఆ గ్రామపంచాయతీ చిన్న కొల్వాయి. తెలంగాణలోనే అతి చిన్న గ్రామ పంచాయతీ అయిన చిన్న కొల్వాయి జగిత్యాల జిల్లాలోని బీర్పూర్ మండలంలో ఉంది. టీఆర్ఎస్ బలపర్చిన అభ్యర్థి చిక్రం రవీందర్ తన ప్రత్యర్థి చిక్రం బుచ్చి రాములుపై గెలుపొందాడు. పోలైన 92 ఓట్లకు గానూ చిక్రం రవీందర్ 59 ఓట్లు సాధించాడు. మొత్తం 106 ఓట్లు ఉండగా, ఇందులో పురుషులు 50, మహిళలు 56 మంది ఉన్నారు. నాలుగు వార్డులున్నాయి. మొత్తం జనాభా 162.