ఆర్టీసీ ఉద్యోగాలకు అప్లై చేస్తున్నారా.. అయితే అలర్ట్

byసూర్య | Wed, Jul 10, 2024, 07:22 PM

తెలంగాణలో ఆర్టీసీ ఉద్యోగాలు భర్తీ చేయనున్నట్లు ఇటీవలె టీజీఎస్ ఆర్టీసీ ప్రకటించింది. ఈ క్రమంలోనే టీజీఎస్ ఆర్టీసీలోని 3035 పోస్టులను తెలంగాణ పోలీస్ రిక్రూట్‌మెంట్ బోర్డు ద్వారా పరీక్షలు నిర్వహించి భర్తీ చేసేందుకు కసరత్తు ప్రారంభించింది. ఇందులో రకరకాల విభాగాల్లో ఖాళీలు ఉన్నాయి. అయితే చాలా ఏళ్ల నుంచి ఆర్టీసీ రిక్రూట్‌మెంట్‌ రాక వేచిచూస్తున్న లక్షలాది మంది.. ఈ పోస్టులకు అప్లై చేసుకునేందుకు ఎదురుచూస్తున్నారు. అయితే ఇలా ఆర్టీసీ ఉద్యోగాలకు దరఖాస్తు చేసుకునే వారికి టీజీఎస్ ఆర్టీసీ ఎంజీ వీసీ సజ్జనార్ కీలక సూచనలు చేశారు.


ఆర్టీసీలో ఉద్యోగాల భర్తీకి సంబంధించి సోషల్ మీడియాలో కొన్ని ఫేక్ లింక్‌లు వైరల్ అవుతున్నాయని సజ్జనార్ పేర్కొన్నారు. ఈ మేరకు ట్వీట్ చేసిన సజ్జనార్.. ఆర్టీసీ ఉద్యోగాలకు దరఖాస్తు చేసుకునే వారు చాలా అప్రమత్తంగా ఉండాలని సూచించారు. అంతేకాకుండా నకిలీ వెబ్‌సైట్లు, లింకులను నమ్మి అభ్యర్థులు మోసపోకూడదని హితవు పలికారు. టీజీఎస్ ఆర్టీసీ ఇంకా ఉద్యోగాల భర్తీకి సంబంధించి ఎలాంటి నోటిఫికేషన్ విడుదల చేయలేదని సజ్జనార్ స్పష్టం చేశారు. ఇప్పటికే ప్రకటించిన 3035 పోస్టుల భర్తీకి సంబంధించిన ప్రక్రియ మొదలైందని వెల్లడించారు.


ఇప్పటివరకు కేవలం ఆర్టీసీలో ఉద్యోగాల భర్తీకి నోటిఫికేషన్ మాత్రమే విడుదలైందని సజ్జనార్ స్పష్టం చేశారు. అయితే ఈ ఉద్యోగాలకు ఇంకా దరఖాస్తు ప్రక్రియను ప్రారంభించలేదని తేల్చి చెప్పారు. నిరుద్యోగులను లక్ష్యంగా చేసుకుని కొందరు సైబర్ నేరగాళ్లు దోపిడీలకు పాల్పడుతున్నారని ఈ సందర్భంగా ఉద్యోగాల కోసం చూస్తున్న అభ్యర్థులను సజ్జనార్ అప్రమత్తం చేశారు. త్వరలోనే ఆర్టీసీ ఉద్యోగాల దరఖాస్తు ప్రక్రియ ప్రారంభమవుతుందని సజ్జనార్ తెలిపారు. ఆర్టీసీ ఉద్యోగాలకు ఆన్‌లైన్‌లో దరఖాస్తు చేసుకోవాలంటూ వస్తున్న లింక్‌లు ఫేక్ అని వాటిని నమ్మవద్దని స్పష్టం చేశారు.


ఆ వైరల్ అవుతున్న వెబ్‌సైట్‌లు, లింక్‌లలో.. ఉద్యోగార్థుల అర్హతలు, దరఖాస్తు ఫీజు, ఖాళీల భర్తీకి సంబంధించిన వివరాలను పేర్కొన్నారని.. అవన్నీ ఫేక్ అని స్పష్టం చేశారు. ఆ లింక్‌లను క్లిక్ చేసి వ్యక్తిగత వివరాలను నమోదు చెయొద్దని టీజీఎస్ ఆర్టీసీ యాజమాన్యం విజ్ఞప్తి చేస్తోందని సజ్జనార్ తెలిపారు.


ఆర్టీసీలో ఉద్యోగాల భర్తీకి రాష్ట్ర ప్రభుత్వం జులై 2 వ తేదీన పచ్చజెండా ఊపింది. మొత్తం 3035 ఉద్యోగాల భర్తీకి గ్రీన్ సిగ్నల్ ఇచ్చింది. తెలంగాణ రాష్ట్ర ఆవిర్భావం తర్వాత తొలిసారి ఆర్టీసీలో ఉద్యోగ ఖాళీల భర్తీతో పాటు కొత్త బస్సుల కొనుగోళ్లు, సేవలను మరింత మెరుగుపరిచేందుకు ప్రభుత్వం నిర్ణయం తీసుకుందని రాష్ట్ర రవాణా శాఖ మంత్రి పొన్నం ప్రభాకర్ వెల్లడించారు. ఈ క్రమంలోనే ఆర్టీసీ ఉన్నతాధికారులు పంపిన ప్రతిపాదనలకు ప్రభుత్వం ఆమోదం కల్పించింది.


ఆర్టీసీలో ఉద్యోగాలు


మొత్తం 3035 పోస్టులను భర్తీ చేయనున్నట్లు టీజీఎస్ఆర్టీసీ తెలిపింది. ఇందులో 2 వేల డ్రైవర్‌ పోస్టులు.. 743 శ్రామిక్‌ పోస్టులు.. 114 డిప్యూటీ సూపరింటెండెంట్‌(మెకానిక్‌).. 84 డిప్యూటీ సూపరింటెండెంట్‌(ట్రాఫిక్‌).. 25 డిపో మేనేజర్‌/అసిస్టెంట్‌ ట్రాఫిక్‌ మేనేజర్‌.. 23 అసిస్టెంట్‌ ఇంజనీర్‌(సివిల్‌).. 15 అసిస్టెంట్‌ మెకానికల్ ఇంజనీర్‌.. 11 సెక్షన్‌ ఆఫీసర్‌(సివిల్‌).. 7 మెడికల్‌ ఆఫీసర్‌(జనరల్‌).. 7 మెడికల్‌ ఆఫీసర్‌(స్పెషలిస్ట్‌) పోస్టులు ఉన్నాయని వెల్లడించింది.


Latest News
 

సీఎం సహాయ నిధి చెక్కు పంపిణి Sun, Jul 14, 2024, 06:25 PM
ప్రమాద ఘంటికలు సూచిస్తున్న నీటి నిల్వలు Sun, Jul 14, 2024, 06:23 PM
రాజన్నను దర్శించుకున్న ఎండోమెంట్ ట్రిబ్యునల్ చైర్మన్ Sun, Jul 14, 2024, 03:56 PM
షాదీఖానా కబ్జా పై ఎమ్మెల్యేకు వినతి Sun, Jul 14, 2024, 03:11 PM
లక్ష్య కళాశాల విద్యార్థికి జాతీయ స్థాయి ర్యాంక్ Sun, Jul 14, 2024, 03:10 PM