![]() |
![]() |
byసూర్య | Wed, May 29, 2024, 07:55 PM
రోడ్డు ప్రమాదాల నివారణకు కేంద్ర, రాష్ట్ర ప్రభుత్వాలు ఎన్ని చర్యలు తీసుకుంటున్నా.. ప్రమాదాలు మాత్రం జరుగుతూనే ఉన్నాయి. తాగిన మైకంలో కొందరు, నిర్లక్ష్యంగా డ్రైవింగ్ మరికొందరు.. ప్రమాదాలకు కారణం అవుతున్నారు. తల్లిదండ్రులు మైనర్లకు వాహనాలు ఇవ్వటం ద్వారా కూడా యాక్సిడెంట్లు జరగుతున్నాయి. ఈ నేపథ్యంలో కేంద్రం కీలక నిర్ణయం తీసుకుంది. కొత్త రూల్స్ తీసుకొచ్చి కఠిన నిబంధనలు అమలు చేయనున్నారు.
జూన్ 1 నుంచి కొత్త ట్రాఫిక్ నిబంధనలు అమల్లోకి రానుండగా.. భారీగా జరిమానాలు విధించనున్నారు. అతివేగంతో వాహనం నడుపుతూ పట్టుబడితే రూ. 1000 నుంచి రూ.2000 వరకు ఫైన్ విధిస్తారు. లైసెన్స్ లేకుండా వాహనం నడిపితే రూ.500 జరిమానా వేస్తారు. మైనర్ వాహనం నడిపితే రూ.25 వేలు ఫైన్ విధించటంతో పాటు మైనర్కు 25 ఏళ్ల వయసు వచ్చే వరకు డ్రైవింగ్ లైసెన్స్ పొందకుండా ఆంక్షలు విధిస్తారు. రోడ్డు ప్రమాద నివారణ చర్యల్లో భాగంగానే ఈ నిర్ణయం తీసుకుంటున్నట్లు పోలీసు ఉన్నతాధికారులు చెబుతున్నారు.
ఇక జూన్ 1 కొత్త డ్రైవింగ్ లైసెన్స్ రూల్స్ కూడా మారనున్నాయి. ప్రస్తుతం డ్రైవింగ్ లైసెన్స్ కావాలంటే ఆర్టీఏ ఆఫీసుకు వెళ్లాల్సి ఉంటుంది. అక్కడ స్లాట్ బుక్ చేసుకొని గంటలకొద్ది నిరీక్షించి.. డ్రైవింగ్ టెస్ట్ పాస్ అయితే లైసెన్స్ ఇష్యూ చేస్తారు. అయితే జూన్ 1 నుంచి ఆర్టీవో ఆఫీసుకు వెళ్లాల్సిన అవసరం లేదు. డ్రైవింగ్ స్కూల్కు వెళ్లి డ్రైవింగ్ లైసెన్స్ను పొందవచ్చు. కొత్త రూల్ ప్రకారం ఆర్టీవో ఆఫుసుకి వెళ్లి పరీక్ష కూడా రాయాల్సిన పని లేదు. అధీకృత ప్రయివేట్ డ్రైవింగ్ ఇనిస్టిట్యూట్ నుంచి డ్రైవింగ్ పరీక్షలో ఉత్తీర్ణత సాధించవచ్చు. ఎంపిక చేసిన ప్రైవేట్ డ్రైవింగ్ స్కూల్స్కు ప్రభుత్వం సర్టిఫికెట్లు మంజూరు చేస్తుంది, ఈ డ్రైవింగ్ పరీక్షలను నిర్వహించడానికి వారికి అధికారం ఇస్తుంది. అక్కడకు వెళ్లి లైసెన్స్ తీసుకోవచ్చు.