byసూర్య | Fri, May 10, 2024, 09:08 PM
హైదరాబాద్ నగరంలో ఎన్ని పార్కులు ఉన్నా.. వండర్లా పార్క్ మాత్రం స్పెషల్. సెలవు రోజుల్లోనే కాదు సాధారణ రోజుల్లోనూ కుటుంబంతో కలిసి పిక్నిక్ గానీ వెకేషన్ గానీ వెళ్లాలంటే మొట్టమొదటగా గుర్తొచ్చే డెస్టినేషన్ వండర్లా . ఇక్కడికి కేవలం నగరంలో ఉంటున్న కుటుంబాలు మాత్రమమే తమ పిల్లలతో కలిసి వచ్చి ఎంజాయ్ చేస్తారనుకుంటే పొరపాటే.. నగరంలోని పాఠశాలలతో పాటు చుట్టుపక్కల జిల్లాల్లోని స్కూ్ల్స్ తమ స్టూడెంట్స్ను వండర్లా పార్కుకు వెకేషన్కు తీసుకొస్తుంటాయి. అలాంటి పార్కు.. ఇప్పుడు అదిరిపోయే ఆఫర్ ప్రకటించింది.
మే 13వ తేదీన లోక్సభ ఎన్నికలు జరగనున్న నేపథ్యంలో.. పోలింగ్లో ఓటు హక్కు వినియోగించుకున్న వారికి టికెట్స్పై 20 శాతం డిస్కౌంట్ ఇస్తామని వండర్లా యాజమాన్యం ప్రకటించింది. అయితే.. ఈ ఆఫర్ కేవలం ఆ ఒక్కరోజు మాత్రమే కాదు.. 13, 14, 15 మూడు రోజుల పాటు వర్తించనుంది. అసలే వేసవి సెలవులు.. అందులోనూ లోక్ సభ ఎన్నికలు జరుగుతున్నాయి. ఓవైపు ఓటు హక్కుపై అవగాహన కల్పించినట్టూ ఉంటుంది.. మరోవైపు సందర్శకులను ఆహ్వానించినట్టూ ఉంటుందన్న భావనతో ఈ ప్రత్యేక డిస్కౌంట్ ఆఫర్ ప్రకటించింది.
ఇంతకుముందు కూడా బెంగళూరులోని వండర్లా పార్కులో కూడా ఇలాంటి ఆఫరే ప్రకటించగా.. ఇప్పుడు హైదరాబాద్లో కూడా 20 శాతం డిస్కౌంట్ ఆఫర్ ప్రకటించింది. మే 13న లోక్సభ ఎన్నికల్లో ఓటు వేసినవారంతా మూడు రోజుల పాటు ఈ ఆఫర్ పొందొచ్చు. అయితే.. ఎన్నికల్లో ఓటు వేసినవారు తమ వేలికి ఉన్న ఇంక్ గుర్తు చూపించి మే 13, 14, 15 తేదీల్లో.. హైదరాబాద్లోని వండర్లా పార్కులో ఈ ఆఫర్ పొందొచ్చు. అయితే కేవలం ఎంట్రీ టికెట్లపైనే కాదు.. ఫుడ్ కాంబోలపై కూడా 20 శాతం డిస్కౌంట్ ఆఫర్ వర్తించనుంది. ఆన్లైన్లో కొనే టికెట్స్తో పాటు.. కౌంటర్లలో కొనే టికెట్లకు కూడా ఈ ఆఫర్ వర్తిస్తుందని వండర్లా ప్రకటించింది. ప్రజలందరూ ఓటు వేసి ఎక్స్క్లూజీవ్ ఆఫర్ పొందాలని వండర్లా యాజమాన్యం కోరుతోంది.
ఆఫర్ పూర్తి వివరాలు చూస్తే ఓటు వేసినవారు ఇంక్ గుర్తు చూపించి పార్క్ టికెట్స్పై 20 శాతం తగ్గింపు పొందొచ్చు. మే 13 నుంచి మే 15 వరకు ఈ ఆఫర్ అందుబాటులో ఉంటుంది. హైదరాబాద్లోని వండర్లాతో పాటు బెంగళూరు, కొచ్చిలోని వాటర్ పార్క్స్లో ఈ ఆఫర్ పొందొచ్చు. దీంతో.. మేలో బర్త్డే ఉన్నవారికి ఒక వండర్లా టికెట్ కొంటే మరొకటి ఉచితంగా ఇస్తోంది. మే నెలలో పుట్టినవారందరూ ఈ ఆఫర్ పొందొచ్చు. 2024 మే 31 వరకు ఈ ఆఫర్ లభిస్తుంది. ఆన్లైన్లో, పార్క్ టికెట్ కౌంటర్ల దగ్గర కొనే టికెట్లకు ఈ ఆఫర్ వర్తిస్తుంది.
మరోవైపు.. వండర్లా ఇప్పటికే ఆర్టీసీ ప్రయాణికులకు ప్రత్యేక ఆఫర్ ప్రకటించిన సంగతి తెలిసిందే. టీఎస్ఆర్టీసీ బస్సులో వండర్లా వెళ్తే పార్క్ ఎంట్రీ టికెట్స్పై 15 శాతం తగ్గింపు పొందొచ్చు. హైదరాబాద్లోని వేర్వేరు ప్రాంతాల నుంచి వండర్లాకు టీఎస్ఆర్టీసీ బస్సులు ఉన్నాయి. ఈ బస్సుల్లో ప్రయాణించినవారు పార్క్ ఎంట్రీ టికెట్స్పై 15 శాతం డిస్కౌంట్ పొందే ఆఫర్ కూడా అందుబాటులో ఉంది.