byసూర్య | Fri, Mar 29, 2024, 07:44 PM

 పట్టపగలే రోడ్డుపై కారు అద్దాలను ధ్వంసం చేసి 2 లక్షల రూపాయలు చోరీ చేశాడు. జనం తిరుగుతుండగానే.. క్షణాల్లో దొంగతనం చేసి పారిపోయాడు. జనగామ జిల్లా కేంద్రంలో పంజాబ్ బ్యాంక్ ఎదుట ఈ ఘటన చోటు చేసుకుంది. దేవరుప్పుల మండలం కడవెండికి చెందిన ప్రతాప్ రెడ్డి అనే వ్యక్తి ICICI బ్యాంకులో నుంచి రూ. 2 లక్షలు విత్‌డ్రా చేశారు. ఆ డబ్బును కారులోనే ఉంచి, పంజాబ్ బ్యాంకు ముందు కారు పార్క్ చేసి, బ్యాంకు లోపలికి వెళ్లారు. ఇంతలో ఓ దుండగుడు వచ్చి కారు అద్దాలను పగులగొట్టి దొంగతనం చేశాడు. క్యాష్ బ్యాగును తీసుకొని క్షణాల్లో అక్కడ నుంచి ఉడాయించాడు. చోరీ ఘటనకు సంబంధించిన దృశ్యాలు సీసీ కెమెరాల్లో రికార్డయ్యాయి.