byసూర్య | Fri, Dec 01, 2023, 08:07 PM

తెలంగాణ అసెంబ్లీ ఎన్నికల్లో పోలింగ్ ముగిసింది. 119 నియోజకవర్గాల్లో బరిలో నిలిచిన అభ్యర్థుల భవితవ్యం ఈవీఎంలో నిక్షిప్తమైంది. ఒక ఓటింగ్ ముగిశాక అందరి ఆసక్తిగా ఎదురు చూసేది ఎగ్జిట్ పోల్స్ గురించి. గరువారం పోలింగ్ ముగిశాక తెలంగాణ ఓటరు తీర్పుపై ప్రముఖ సంస్థలు ఎగ్జిట్ పోల్స్ విడుదల చేశాయి. పలు సంస్థలు హంగ్ వస్తుందని చెప్పగా.. మరికొన్ని సంస్థలు కాంగ్రెస్ పార్టీవైపు తెలంగాణ ఓటర్లు మెుగ్గు చూపారని వెల్లడించాయి. అయితే ఈ ఎగ్జిట్ పోల్స్‌లో కచ్చితత్వం ఎంత? వాటిని నమ్మెుచ్చా..?.. 2018 ఎగ్జిట్ పోల్స్ నిజమయ్యాయా? ఓసారి చూద్దాం.

2018లో పోలింగ్ ముగిశాక టైమ్స్ నౌ, సీఎన్‌ఎక్స్, న్యూస్-18, రిపబ్లిక్‌ జన్‌కీ బాత్‌ సర్వేలు బీఆర్ఎస్‌(అప్పుడు టీఆర్ఎస్)‌కు సరాసరిగా 65 సీట్లు వస్తాయని చెప్పుకొచ్చాయి. ఇండియా టుడే ఎగ్జిట్ పోల్స్ అయితే.. బీఆర్‌ఎస్‌కు 79 నుంచి 91 సీట్లు వస్తాయని తెలిపాయి. అయితే.. ఈసారి (2023) మాత్రం బీఆర్ఎస్‌, కాంగ్రెస్‌ మధ్య గట్టి పోటీ ఉంటుదన్నది విశ్లేషకులు చెప్తున్న మాట. ఈ హోరాహోరీ పోటీలో ఓటరు ఏ పార్టీకి మొగ్గు చూపుతారన్నది ఉత్కంఠను రేకెత్తిస్తుంది.

టైమ్స్ నౌ-CNX, యాక్సిస్ మై ఇండియా-ఇండియా టుడే, సీ వోటర్, న్యూస్ ఎక్స్ నేటా వంటి సంస్థలు ఎగ్జిట్ పోల్స్ వెల్లడించాయి. టైమ్స్ నౌ-CNX: బీఆర్ఎస్ ( అప్పుడు టీఆర్ఎస్) 66, కాంగ్రెస్‌ 37, బీజేపీ 7 సీట్లు వస్తాయని వెల్లడించింది. యాక్సిస్ మై ఇండియా-ఇండియా టుడే: బీఆర్‌ఎస్‌ 79-91, కాంగ్రెస్-టీడీపీ కూటమి 21-33, బీజేపీకి 5 సీట్లు వస్తాయని చెప్పారు. సీ వోటర్ బీఆర్‌ఎస్‌ 58, కాంగ్రెస్‌ 45గా అంచనా వేసింది. న్యూస్ ఎక్స్ నేటా బీఆర్‌ఎస్‌ 57, కాంగ్రెస్‌ 46 సీట్లు వచ్చి హంగ్ ఏర్పడుతుందని వెల్లడించింది. అయితే ఆ ఎన్నికల్లో ఇండియా టుడే తప్ప మిగతా ఎగ్జిట్ పోల్స్ సంస్థల అంచనాలు తప్పాయి. బీఆర్ఎస్ 88 సీట్లలో విజయకేతనం ఎగురవేయగా.. కాంగ్రెస్ 19 స్థానాలు, ఎంఐఎం 7 స్థానాలు, బీజేపీ 1 స్థానానికే పరిమితమమైంది.

ప్రిపోల్ సర్వేలతో పోలిస్తే ఎగ్జిట్ పోల్స్‌లో కచ్చితత్వానికి కాస్త అవకాశం ఎక్కువగా ఉంటుంది. ఎగ్జిట్ పోల్ అంచనాలు రిజల్ట్‌కు దాదాపు దగ్గరగా ఉంటాయి. పోలింగ్ ఉదయం నుంచి సాయంత్రం వరకు జరుగుతుంది. ఎగ్జిట్ పోల్ నిర్వాహకులు దాదాపు అన్ని వర్గాల ఓటర్లు కవర్ అయ్యేలా వేర్వేరు సమయాల్లో ఓటర్ల స్పందనను తెలుసుకుంటారు. కానీ ఈ ప్రక్రియను ఎంత ఎక్కువ మంది పకడ్బందీగా, విస్తృతంగా నిర్వహిస్తేనే కచ్చితమైన ఫలితాలు వచ్చే అవకాశం ఉంది. లేకుంటే అంచనాలు తప్పే అవకాశం ఉంది. 90 శాతం దగ్గరగా ఉంటేనే ఎగ్జిట్ పోల్స్ నిర్వహించే సంస్థల అంచనాలు నిజమవుతాయి. కానీ కొన్ని సంస్థలు 60 శాతం ఉన్నా.. ఫలితాలను డిసైడ్ చేస్తున్నారు.

2023 ఎగ్జిట్ పోల్స్ ఇలా..

రిపబ్లిక్ టీవీ ఎగ్జిట్ పోల్స్ ఫలితాలు..

బీఆర్ఎస్- 46- 56

కాంగ్రెస్- 58- 68

ఎంఐఎం- 04 -09

బీజేపీ- 06- 08

పీపుల్స్ పల్స్ ఎగ్జిట్ పోల్స్ ఫలితాలు..

బీఆర్ఎస్- 35- 46

కాంగ్రెస్- 62- 72

ఎంఐఎం- 06 -07

బీజేపీ- 03- 08

టైమ్స్ నౌ ఎగ్జిట్ పోల్స్ ఫలితాలు..

బీఆర్ఎస్- 37- 45

కాంగ్రెస్- 60- 70

ఎంఐఎం- 05 -07

బీజేపీ- 06- 08

ఇండియా టీవీ- సీఎన్ఎక్స్ సర్వే..

బీఆర్ఎస్- 31- 47

కాంగ్రెస్- 63- 79

ఎంఐఎం- 05- 07

బీజేపీ- 02- 04

ఆరా మస్తాన్ సర్వే..

బీఆర్ఎస్- 41- 49

కాంగ్రెస్- 58- 67

ఎంఐఎం- 0

బీజేపీ- 05- 07

ఇతరులు- 07- 09

పోల్ స్ట్రాటజీ ఎగ్జిట్ పోల్..

బీఆర్ఎస్- 53-58

కాంగ్రెస్- 49-54

ఎంఐఎం- 6-7

బీజేపీ- 4-6

ఇతరులు- 1

రాజ్ నీతి సర్వే..

కాంగ్రెస్- 56 (+or- 5)

బీఆర్ఎస్- 45 (+or- 5)

బీజేపీ- 10 (+or- 2)

ఎంఐఎం- 7

ఇతరులు- 01

సీ-ప్యాక్ ఎగ్జిట్ పోల్స్..

కాంగ్రెస్- 65

బీఆర్ఎస్- 41

బీజేపీ- 4

ఇతరులు- 9

పోల్‌స్ట్రాట్ సర్వే..

కాంగ్రెస్ -49- 59

బీఆర్ఎస్ -48 - 58

బీజేపీ -5- 10

ఎంఐఎం- 6- 8

జన్ కీ బాత్ సర్వే..

కాంగ్రెస్ -40- 55

బీఆర్ఎస్ -48 - 64

బీజేపీ -7 - 13

ఎంఐఎం- 4- 7

చాణక్య సర్వే ఎగ్జిట్ పోల్స్..

కాంగ్రెస్ -67- 78

బీఆర్ఎస్ -22- 31

బీజేపీ -6- 9

ఎంఐఎం- 6- 7

సీఎన్ఎన్ న్యూస్- 18 ఎగ్జిట్ పోల్స్..

కాంగ్రెస్ -56

బీఆర్ఎస్ -48

బీజేపీ -10

ఎంఐఎం- 5