మ‌ద్దతు ఇవ్వాల‌ని కమ్యూనిస్టు నేతలకు సీఎం కేసీఆర్ విజ్ఞప్తి

byసూర్య | Mon, Nov 20, 2023, 11:40 PM

తెలంగాణ అసెంబ్లీ ఎన్నికలు కీలక దశకు చేరుకున్నాయి. ఈక్రమంలో గులాబీ బాస్ కేసీఆర్ ప్రజా ఆశీర్వద సభల్లో తన ప్రచారంలో పదును పెంచారు. ఓవైపు తమ ప్రభుత్వం చేసిన అభివృద్ధి పనులతో పాటు ప్రతిపక్షాలపై కూడా తీవ్ర స్థాయిలో విరుచుకుపడుతున్నారు. అయితే.. ఈరోజు నల్గొండ జిల్లాలో పర్యటించిన కేసీఆర్.. నకిరేకల్ నియోజకవర్గంలో నిర్వహించిన ప్రజా ఆశీర్వాద సభలో పాల్గొన్నారు. ఈ సభలో ప్రసంగించిన కేసీఆర్.. కమ్యూనిస్టు నేతలకు ప్రత్యేక విజ్ఞప్తి చేశారు. బీఆర్ఎస్ అభ్యర్థి చిరుమ‌ర్తి లింగ‌య్యకు క‌మ్యూనిస్టు సోద‌రులంతా మ‌ద్దతు ఇవ్వాల‌ని గులాబీ బాస్ కోరారు.


ఎవ‌రి చేతిలో అధికారం ఉంటే తెలంగాణ అభివృద్ధి కొనసాగుతుందో.. అన్ని రకాలుగా ఆలోచించించి ఓటు వేయాలని కేసీఆర్ వివరించారు. ఈ క్రమంలోనే.. తాను ఎమ్మెల్యేగా ఉన్నప్పటి ఓ పరిస్థితులను గుర్తు చేసుకున్నారు. తాను ఎమ్మెల్యేగా ఉన్న సమయంలో.. నకిరేకల్ నియోజకవర్గంలో న‌ర్రా రాఘ‌వ‌రెడ్డి ఎమ్మెల్యేగా ఉండేవారని కేసీఆర్ గుర్తు చేసుకున్నారు. కాంగ్రెస్ అధికారంలో ఉన్న ఆ రోజుల్లో నర్రా రాఘవరెడ్డి తనకు.. ఎండిపోయిన వ‌రి కంకులు, కరెంట్ కోసం రోధిస్తున్న రైతుల బాధలు చూపిస్తూ బాధపడేవారని వివరించారు.


నర్రా రాఘవరెడ్డి లాంటి మ‌హానాయ‌కుడు పుట్టిన గడ్డ నకిరేకల్ అని.. ఇక్కడి ప్రజలంతా ఎంతో చైతన్యవంతులని కేసీఆర్ చెప్పుకొచ్చారు. ఈ ప్రాంతమంతా కమ్యూనిస్టులతో చైతన్యం పొందిందని వివరించారు. "ప్రత్యేకంగా.. క‌మ్యూనిస్టు సోదరులకు ప్రత్యేక మనవి చేస్తున్నా. ఇక్కడ మీరు పోటీలో చేస్తలేరు. మీ విలువైన ఓట్లు ఎవ‌రికో వేసి వాటిని మోరిలో ప‌డేయ‌కండి. ఒక ప్రగ‌తికాముక‌మైన బీఆర్ఎస్ పార్టీకి వేసి వాటి విలువను కాపాడండి. లింగ‌య్యకు మ‌ద్దతు ఇవ్వాల‌ని కోరుతున్నా." అంటూ కేసీఆర్ కోరారు.


లింగ‌య్య ప్రజ‌ల్లో ఉండే మ‌నిషి అని.. ఆయ‌న వ్యక్తిగ‌త ప‌నులు ఏ రోజు తనను అడ‌గ‌లేదని కేసీఆర్ పేర్కొన్నారు. కాల్వలు, అయిటిపాముల ఎత్తిపోత‌ల‌, బ్రాహ్మణ వెల్లెంల‌, ఆస్పత్రుల గురించే అడిగారని వివరించారు. ప్రజ‌ల‌కు అందుబాటులో ఉండే వ్యక్తిని గెలిపిస్తే.. ఈ ప్రాంతం ఇంకా బ్రహ్మాండంగా అభివృద్ధి చేసే తాను తీసుకుంటానని కేసీఆర్ హామీ ఇచ్చారు.


Latest News
 

నామీద మూడు సార్లు మర్డర్ అటెంప్ట్ చేశారు.. బండి సంజయ్ సంచలన కామెంట్లు Sat, May 25, 2024, 10:23 PM
తెలంగాణకు రెయిన్ అలర్ట్.. ఈ జిల్లాల్లో వర్షాలు, అక్కడ మాత్రం భానుడి భగభగలు Sat, May 25, 2024, 09:43 PM
తెలంగాణలో కొత్తగా బీఆర్ యూ ట్యాక్స్: కేటీఆర్ Sat, May 25, 2024, 09:38 PM
ప్రియురాలు పిలిస్తే ఇంటికెళ్లిన యువకుడు.. ఊహించని షాక్, దెబ్బకు డయల్‌ 100కు ఫోన్‌ Sat, May 25, 2024, 09:31 PM
మరో పదేళ్లు ఉమ్మడి రాజధానిగా హైదరాబాద్.. మాజీ జేడీ లక్ష్మీనారాయణ ఇంట్రెస్టింగ్ ట్వీట్ Sat, May 25, 2024, 09:26 PM