టీఎస్పీఎస్సీ ఛైర్మన్ పదవి నుంచి ఆయన తప్పుకోవాలి: ఆర్.ఎస్.ప్రవీణ్ కుమార్

byసూర్య | Sun, Mar 19, 2023, 05:16 PM

టీఎస్పీఎస్సీ ఛైర్మన్ జనార్ధన్ రెడ్డి ఆ పదవి నుంచి తప్పుకోవాలని బీఎస్పీ రాష్ట్ర అధ్యక్షుడు ఆర్ఎస్ ప్రవీణ్ కుమార్ ఆసక్తికర ట్వీట్ చేశారు. టీఎస్ పీఎస్సీ చైర్మన్ జనార్ధన్ రెడ్డితో నాకు వ్యక్తిగత వైరం ఏమీ లేదని అన్న ప్రవీణ్ కుమార్.. యూనివర్సిటీలో ఆయన తనకు సూపర్ సీనియర్ అని చెప్పారు. గురుకుల సెక్రెటరీగా ఉన్నప్పుడు ఉద్యోగరీత్యా ఆయన్ను చాలాసార్లు కలిశాని అన్నారు. కానీ పేపల్ లీక్ అనేది క్షమించరాని నేరమని..,పేపర్ లీక్ లక్షలాది నిరుద్యోగుల భవిష్యత్తును అంధకారంలో పడేసిందని చెప్పారు. అందువల్ల దయచేసి ఛైర్మన్ పదవి నుంచి తప్పుకోండి సార్.. అంటూ ఆర్ఎస్ ప్రవీణ్ కుమార్ ట్వీట్ చేశారు.


ఇదిలా ఉండగా.. టీఎస్‌పీఎస్సీ పేపర్ల లీకేజీ దురదృష్టకరమని మంత్రి కేటీఆర్ అన్నారు. ఈ వ్యవహారంపై నిన్న సీఎం కేసఆర్‌కు నివేదిక ఇచ్చిన అనంతరం ఆయన మీడియాతో మాట్లాడారు. ఇది వ్యవస్థ వైఫల్యం కాదని.., ఇద్దరు వ్యక్తులు చేసిన తప్పు వల్ల పేపర్ లీక్ జరిగిందని చెప్పారు. ఈ ఘటనపై ఇప్పటికే సిట్ దర్యాప్తు కొనసాగుతోందని.., లీకేజీ వెనుక ఎవరున్నా వదిలిపెట్టే ప్రసక్తి లేదని చెప్పారు. రద్దు చేయబడిన పరీక్షలను త్వరలోనే నిర్వహిస్తామని.., నిరుద్యోగ యువత ఆదైర్యపడొద్దని సూచించారు.


అదే సమయంలో ప్రతిపక్షాలకు సైతం హెచ్చరికలు జారీ చేశారు కేటీఆర్. యువతను రెచ్చగొట్టే విధంగా మాట్లాడి వారి భవిష్యత్తుతో ఆడుకోవద్దని సూచించారు. టీఎస్‌పీఎస్సీ దేశంలోనే అత్యంత పారదర్శంకగా పనిచేసే వ్యవస్థ అని చెప్పారు. యూపీఎస్సీ ఛైర్మన్ సైతం రెండు సార్లు టీఎస్పీఎస్సీని సందర్శించి.. ఇక్కడి సంస్కరణలపై అధ్యయం చేసినట్లు చెప్పుకొచ్చారు. రాజకీయ పబ్బం గడుపుకోవటానికి యువతను రెచ్చగొట్టే విధంగా మాట్లాడటం సరికాదని అన్నారు. ఈ లీకేజీ వ్యవహారంలో ఏ2గా ఉన్న రాజశేఖర్‌కు బీజేపీతో సంబంధాలు ఉన్నాయని..,ఈ విషయంపై తమ పార్టీ తరుపున డీజీపీకి ఫిర్యాదు చేసినట్లు కేటీఆర్ వెల్లడించారు.



Latest News
 

నామీద మూడు సార్లు మర్డర్ అటెంప్ట్ చేశారు.. బండి సంజయ్ సంచలన కామెంట్లు Sat, May 25, 2024, 10:23 PM
తెలంగాణకు రెయిన్ అలర్ట్.. ఈ జిల్లాల్లో వర్షాలు, అక్కడ మాత్రం భానుడి భగభగలు Sat, May 25, 2024, 09:43 PM
తెలంగాణలో కొత్తగా బీఆర్ యూ ట్యాక్స్: కేటీఆర్ Sat, May 25, 2024, 09:38 PM
ప్రియురాలు పిలిస్తే ఇంటికెళ్లిన యువకుడు.. ఊహించని షాక్, దెబ్బకు డయల్‌ 100కు ఫోన్‌ Sat, May 25, 2024, 09:31 PM
మరో పదేళ్లు ఉమ్మడి రాజధానిగా హైదరాబాద్.. మాజీ జేడీ లక్ష్మీనారాయణ ఇంట్రెస్టింగ్ ట్వీట్ Sat, May 25, 2024, 09:26 PM