అబార్షన్ వికటించి...యువతి మరణం

byసూర్య | Fri, Aug 19, 2022, 09:13 PM

ప్రేమ పేరుతో సాగిన మోసానికి ఓ యువతి బలైంది. భద్రాద్రి కొత్తగూడెం జిల్లాలో ఈ దారుణ ఘటన చోటుచేసుకుంది. పెళ్లి పేరుతో యువతిని ట్రాప్ చేసిన యువకుడు ఆమెతో లైంగిక కోర్కెలు తీర్చుకుని గర్భవతిని చేశాడు. చివరికి ఆమెకు అబార్షన్ చేయించే క్రమంలో పరిస్థితి వికటించి ఆమె ఏకంగా ప్రాణాలే కోల్పోయింది.


ములకలపల్లి మండలం వీకే రామవరం గ్రామానికి చెందిన యువతితో పుసుగుడెంకు చెందిన భూక్యా నందు అనే యువకుడికి కొన్నాళ్ల క్రితం పరిచయం ఏర్పడింది. కొంతకాలానికి పరిచయం కాస్తా ప్రేమగా మారింది. పెళ్లిచేసుకుంటానని నమ్మించడంతో ఆ యువతి నందుకు దగ్గరైంది. దీన్ని అలుసుగా తీసుకున్న అతడు ఆమెను లైంగికంగా లోబరుచుకున్నాడు. ఈ క్రమంలోనే యువతి గర్భం దాల్చగా అబార్షన్ చేసేందుకు మాత్రలు ఇచ్చాడు. అవి వేసుకున్న తర్వాత ఆమెకు తీవ్ర రక్తస్రావం కావడంతో భద్రాచలంలోని ఓ ప్రైవేట్ ఆస్పత్రికి తీసుకెళ్లాడు.


అక్కడ డాక్టర్లు ట్రీట్‌మెంట్ చేస్తున్న సమయంలో ఆమెకు ఫిట్స్ వచ్చి పరిస్థితి విషమంగా మారింది. ఈ విషయం తెలియగానే నందు, అతడితో వచ్చిన అమ్మాయి అక్కడి నుంచి పరారయ్యాడు. కాసేపటికే యువతి మరణించడంతో ఆస్పత్రి యాజమాన్యం పోలీసులకు సమాచారం ఇచ్చింది. పోలీసులు అన్ని విషయాలు ఆరా తీసిన తర్వాత యువతి తల్లిదండ్రులకు ఫోన్ చేసి అసలు సంగతి తెలిపారు. దీంతో ఆస్పత్రికి చేరుకున్న తల్లిదండ్రులు విగతజీవిగా ఉన్న తమ బిడ్డను చూసి కన్నీరుమున్నీరయ్యారు. ప్రేమ పేరుతో తమ కూతురిని లోబరుచుకుని ప్రాణం తీసిన నందును కఠినంగా శిక్షించాలని పోలీసులను వేడుకున్నారు. బాధితుల ఫిర్యాదు మేరకు కేసు నమోదు చేసి దర్యాప్తు చేపట్టామని, పరారీలో ఉన్న నందు కోసం గాలిస్తున్నామని పోలీసులు తెలిపారు.


Latest News
 

పీసీసీపదవికి రేవంత్ రెడ్డి రాజీనామా.. టీ కాంగ్రెస్‌కు త్వరలో కొత్త అధ్యక్షుడు Fri, May 17, 2024, 09:16 PM
ఆపరేషన్ 'కరెంట్' షురూ చేసిన రేవంత్ సర్కార్.. రంగంలోకి కమిషన్.. బహిరంగ ప్రకటన Fri, May 17, 2024, 09:12 PM
వాళ్ల పేర్లు చెప్పాలని జైల్లో ఒత్తిడి తెస్తున్నారని కవిత చెప్పారు: ఆర్ఎస్ ప్రవీణ్ కుమార్ Fri, May 17, 2024, 09:08 PM
కేఏ పాల్‌పై చీటింగ్ కేసు.. ఎమ్మెల్యే టికెట్ కోసం 50 లక్షలు తీసుకున్నట్టు ఫిర్యాదు Fri, May 17, 2024, 09:04 PM
అమెరికాలో తెలుగు యువకుడి మృతి.. రోడ్డు ప్రమాదం నుంచి బయటపడి, ఆ వెంటనే కారు ఢీకొట్టి Fri, May 17, 2024, 09:00 PM