byసూర్య | Fri, May 13, 2022, 08:09 PM
గత కొంతకాలంగా తగ్గిన టమాట ధర ఒక్కసారిగా పెరిగింది. మూడు నెలల క్రితం కిలో టమాటా రూ. 5 నుంచి 8 పలుకుతోంది.కానీ ఎండాకాలం మండుతున్న ఎండలకు టమాటా ధర మండుతూ.. రూ.100కి చేరింది.
రైతుబజార్లు, పెద్ద మార్కెట్లలో మంచి టమాట ధర కిలో రూ.80 నుంచి రూ.100కి చేరింది. మండుతున్న ఎండలు, భూగర్భ జలాలు అడుగంటిపోవడమే ఇందుకు ప్రధాన కారణం వల్ల టమోటా దిగుబడి బాగా తగ్గిపోయింది.
ప్రస్తుతం జంటనగరాల్లోని మెండ మార్కెట్, బోయిపల్లి తదితర హోల్ సేల్ మార్కెట్లతో పాటు మెహదీపట్నం, కూకట్ పల్లి, ఎర్రగడ్డ, ఎల్బీనగర్, వనస్థలిపురం వంటి ప్రధాన రైతుబజార్లలో టమాటకు కొరత ఏర్పడింది. నగరానికి సాధారణ రోజుల్లో 80 నుంచి 100 లారీల టమోటాలు దిగుమతి అవుతుండగా, ప్రస్తుతం రోజుకు 50 లారీలు కూడా రావడం కష్టమైందని మార్కెట్ అధికారులు చెబుతున్నారు. హోల్ సేల్ మార్కెట్ లో కిలో టమాటా ధర రూ.50 నుంచి రూ.55 పలుకగా.. మార్కెట్ లో రూ.80 నుంచి రూ.100 పలుకుతోంది.