byసూర్య | Sat, Jun 05, 2021, 12:02 PM
హైదరాబాద్ బయోలాజికల్, ఈ సంస్థకు చెందిన కోవిడ్ టీకా ప్రస్తుతం ట్రయల్స్ దశలో ఉన్నది. కోర్బ్వ్యాక్స్ టీకాలను అత్యంత తక్కువ ధరకు భారత మార్కెట్లో అందుబాటులోకి వచ్చే అవకాశాలు ఉన్నాయి. రెండు డోసులు కలిపితే ఆ టీకాల ఖరీదు రూ.500 ఉండే అవకాశాలు ఉన్నట్లు తెలుస్తోంది. కోర్బ్వ్యాక్స్ మూడవ దశ ట్రయల్స్ ప్రస్తుతం కొనసాగుతున్నాయి. ఒకవేళ ఆ టీకాకు అత్యవసరం ఆమోదం దక్కితే ఇక ఉత్పత్తి ప్రారంభం అవుతుంది. అన్నీ అనుకూలిస్తే ఆ టీకాకు చెందిన రెండు డోసుల ధర రూ.400 లోపే ఉంటుందని కూడా ఓ వార్త కథనం పేర్కొన్నది. హైదరాబాద్కు చెందిన బయోలాజికల్ ఈ సంస్థతో కేంద్ర ఆరోగ్యశాఖ ఇటీవల ఒప్పందం కుదుర్చుకున్నది. ఆ ఒప్పందం ప్రకారం బీఈ సంస్థ 30 కోట్ల టీకాలు ఉత్పత్తి చేయనున్నది. ఆర్బీడీ ప్రోటీన్ సబ్ యూనిట్ రీతిలో వ్యాక్సిన్ను డెవలప్ చేస్తున్నారు. బేలర్ కాలేజీ ఆఫ్ మెడిసన్తో ఈ టీకాలను బీఈ డెవలప్ చేయనున్నది. దీనితో పాటు కెనడాకు చెందిన ప్రావిడెన్స్ థెరపాటిక్స్ హోల్డింగ్స్తోనూ బీఈ ఒప్పందం కుదుర్చుకున్నది. కెనడా కంపెనీ ఎంఆర్ఎన్ఏ వ్యాక్సిన్ను ఉత్పత్తి చేయనున్నది. ప్రావిడెన్స్తో కలిపి వచ్చే ఏడాది నాటికి వంద కోట్ల టీకాలను బీఈ ఉత్పత్తి చేయనున్నది.