byసూర్య | Fri, Oct 11, 2019, 02:33 PM

హైదరాబాద్‌: రేపు అన్ని డిపోల ముందు కుటుంబ సభ్యులతో మౌనదీక్ష చేస్తామని ఆర్టీసీ కార్మిక సంఘాల జేఏసీ కన్వీనర్‌ అశ్వత్థామరెడ్డి అన్నారు. బీజేపీ రాష్ట్ర అధ్యక్షుడు లక్ష్మణ్‌తో భేటీ అనంతరం అశ్వత్థామరెడ్డి మాట్లాడారు. సమ్మెకు మద్దతు కోరేందుకు బీజేపీ రాష్ట్ర అధ్యక్షుడు లక్ష్మణ్‌ను కలిశామన్నారు. సమ్మెకు మద్దతు, పోరాటంలో భాగస్వాములవుతామన్నారని పేర్కొన్నారు. ప్రజా రవాణా వ్యవస్థను కాపాడుకునేందుకు ప్రజలు ముందుకు రావాలన్నారు. ఆర్టీసీని కొల్లగొట్టే ప్రయత్నాలు జరుగుతున్నాయన్నారు. మా సమ్మెకు టీఎన్జీవోల మద్దతు ఉంటుందని భావిస్తున్నామన్నారు. ఇప్పటికే కొన్ని ఉపాధ్యాయ సంఘాలు మద్దతు ప్రకటించాయన్నారు.