by సూర్య | Sun, Jun 23, 2019, 09:30 PM

ఆవేశమైనా, ఆగ్రహమైనా, అభిమానమైనా... మనసులోని భావాన్ని వ్యక్తపరచడంతో తమిళులు ఎప్పుడూ ముందుంటారు. తమ అభిమాన హీరో, హీరోయిన్లకు దేవాలయాలు కట్టి పూజలు జరిపించారు. జల్లికట్టు సంప్రదాయాన్ని కాపాడుకునేందుకు కోట్లాది మంది కదిలొచ్చారు. ఇలా ఏ విషయంలోనైనా తమిళ తంబీల తీరే వేరుగా ఉంటుంది. ఇక తాజాగా హీరో విజయ్ 45వ పుట్టిన రోజు జరుపగా, వేలూరులో బంగారు ఉంగరాలను పంచిందో అభిమానసంఘం. పట్టణంలోని బస్టాండ్ లో ఓ కార్యక్రమాన్ని ఏర్పాటు చే, విజయ్ చిత్రపటానికి పాలాభిషేకం, పూజలు చేసి, మధ్యాహ్నం అన్నదానం నిర్వహించారు. ఆపై వేల్ మురుగన్ అధ్యక్షతన అభిమానులంతా పెట్ ల్యాండ్ ప్రభుత్వ ఆసుపత్రికి వెళ్లారు. అక్కడ ఆ రోజు పుట్టిన శిశువులందరికీ ఉంగరాలు, దుస్తులు అందించారు. ఈ కార్యక్రమంలో వందలాది మంది విజయ్ ఫ్యాన్స్ పాల్గొని తమలోని అభిమానాన్ని చాటారు.