by సూర్య | Thu, May 19, 2022, 04:41 PM

రాజశేఖర్ రెడ్డి పులిచర్ల దర్శకత్వంలో స్టార్ కమెడియన్ సుడిగాలి సుధీర్ ఒక సినిమా చేస్తున్న సంగతి అందరికి తెలిసిందే. ఈ సినిమాకి 'గాలోడు' అనే టైటిల్ ని మూవీ మేకర్స్ లాక్ చేసారు. ఈ సినిమాలో సుధీర్ సరసన గెహానా సిప్పీ జోడిగా కనిపించనుంది. తాజాగా ఇప్పుడు సుధీర్ పుట్టినరోజు సందర్భంగా ఈ సినిమా టీజర్‌ను మూవీ మేకర్స్ విడుదల చేశారు. ఈ టీజర్ లో సుధీర్ ని పవర్ ఫుల్ మరియు ఇంటెన్స్ యాక్షన్ రోల్ లో చూపించారు. భీమ్స్ సిసిరెలియో తన బ్యాక్‌గ్రౌండ్ స్కోర్‌తో టీజర్‌ను మరింత ఎలివేట్ చేసారు. ఈ సినిమా సంస్కృతీ ఫిలింస్‌పై నిర్మించబడింది. సుధీర్ ప్రస్తుతం ఈ సినిమాతో పాటు జా అండ్ కాలింగ్ సహస్ర సినిమాలలో కనిపించనున్నాడు.