సినీ హీరో మోహన్‌లాల్‌కు ఎన్‌ఫోర్స్‌మెంట్ డైరెక్టరేట్ (ఈడీ) షాక్ ఇచ్చింది. అంతర్జాతీయ పురాతన వస్తువుల డీలర్‌గా నటిస్తూ మోసగాడు మోన్సన్ మావుంకల్‌పై సన్నిహితంగా మెలిగారనే ఆరోపణలతో మోహన్‌లాల్‌ను విచారించనుంది. కొచ్చిలోని ఈడీ కార్యాలయంలో విచారణకు హాజరుకావాలని మోహన్‌లాల్‌కు ఎన్‌ఫోర్స్‌మెంట్ డైరెక్టరేట్ (ఈడీ) నోటీసు పంపింది. వచ్చే వారం కొచ్చి ప్రాంతీయ కార్యాలయంలో హాజరు కావాలని నోటీసులో కోరారు. మోహన్‌లాల్ కలూర్‌లోని మోన్సన్ మావుంకల్ ఇంటికి వెళ్లినట్లు ఈడీకి వాంగ్మూలం అందింది. మోన్సన్‌తో సన్నిహిత సంబంధం ఉండడంతో పాటు మనీలాండరింగ్‌లో మోహన్‌లాల్‌‌ పాత్ర ఏమైనా ఉందా అని ఈడీ విచారించనుంది.