by సూర్య | Sat, Apr 10, 2021, 07:49 AM

పవన్ కళ్యాణ్ నటించిన వకీల్ సాబ్ సినిమాకు పాజిటివ్ రెస్పాన్స్ వస్తోంది. దీంతో దర్శక నిర్మాతలు కూడా ఆనందంగా ఉన్నారు. కానీ ఈ సినిమాలో ఒక మైనస్ పాయింట్ ఉందని చాలా మంది చర్చించుకుంటున్నారు. పవన్ కళ్యాణ్ ఇమేజ్ కు తగ్గట్టుగా రాసుకున్న కొన్ని సన్నివేశాలు కాస్త ఇబ్బందిగా అనిపిస్తాయని, ముఖ్యంగా ఫస్ట్ హాఫ్ లో వచ్చే ఫ్లాష్ బ్యాక్ ఎపిసోడ్ వర్కవుట్ కాలేదని అంటున్నారు. ఆ ఫ్లాష్ బ్యాక్ ఎపిసోడ్ కథను అది చాలా ఇబ్బంది పెట్టిందని ఫ్యాన్స్ కూడా మనసులో మాట చెప్పేశారు. అయితే సెకండాఫ్ మాత్రం సినిమా రేంజ్ ను పెంచేసిందని, ఇంటర్వెల్ తర్వాత మొదలైన కోర్టు డ్రామా క్లైమాక్స్ వరకు ఆసక్తికరంగా కొనసాగిందని అంటున్నారు. ఫ్లాష్ బ్యాక్ మరీ ఎక్కువ సమయం పెట్టారని కొందరు అంటుంటే.. మరికొందరు మాత్రం జనసేన ప్రచారం సినిమాలో ఎక్కువైంది అంటూ పెదవి విరుస్తున్నారు. ఇది తప్పితే వకీల్ సాబ్ లో వంకలు పెట్టడానికి ఏం లేవు అంటున్నారు.