by సూర్య | Wed, Apr 07, 2021, 02:52 PM

తెలుగులో బిగ్ బాస్ సీజన్ 1లో కంటెస్టెంట్ గా ఎంట్రీ ఇచ్చింది హరితేజ. బిగ్ బాస్ హౌస్ లోకి ఎంట్రీ ఇచ్చిన హరితేజ తనదైన అల్లరితో ప్రేక్షకులను ఆకట్టుకున్నారు. తర్వాత యంగ్ టైగర్ ఎన్టీఆర్ నటించిన అరవింద సమేత సినిమాలోను నటించి ఆకట్టుకుంది. విశ్వక్ సేన్ నటించిన హిట్ సినిమాలోను కీలక పాత్రలో నటించి ఆకట్టుకున్నారు హరితేజ. రీసెంట్‌గా అల్లుడు అదుర్స్, జాంబి రెడ్డి సినిమాల్లో కనిపించారు హరితేజ. తాజాగా హరితేజ పండంటి ఆడబిడ్డకు జన్మనిచ్చారు. ఇటీవల తాను కన్సీవ్ అయ్యాను అంటూ హరితేజ సోషల్ మీడియాలో హల్ చల్ చేశారు. సోషల్ మీడియాలో ఖాతాల్లో బేబీ బంప్‌తో దిగిన ఫొటో షూట్స్ పోస్ట్ చేస్తూ అభిమానులతో టచ్‌లో ఉన్నారు. తాజాగా తనకు ఆడ బిడ్డ పుట్టిందనే విషయాన్ని సోషల్ మీడియా ఖాతా ద్వారా స్వయంగా పంచుకుంటూ ఆనందం వ్యక్తం చేశారు హరి తేజ.