by సూర్య | Sun, Jan 12, 2020, 03:50 PM

మాటల మాంత్రికుడు త్రివిక్రమ్ నెక్స్ట్ సినిమా యంగ్ రెబల్ స్టార్ ప్రభాస్ తో అంటూ ఫిలిం సర్కిల్లో ఓ వార్త చక్కర్లు కొడుతోంది. ప్రస్తుతం రాధా కృష్ణ డైరెక్షన్లో ప్రభాస్ ఓ సినిమా చేస్తున్నాడు. పూజా హెగ్డే హీరోయిన్ గా నటిస్తున్న ఈ సినిమా షూటింగ్ స్టేజ్ లో ఉంది. ఈ సినిమా పూర్తి కాగానే త్రివిక్రమ్ డైరెక్షన్లో ప్రభాస్ సినిమా చేయబోతాడనే వార్త చక్కర్లు కొడుతుంది. చాలా ఏళ్ల క్రితమే వీరిద్దరి కాంబినేషన్‌లో ప్రాజెక్ట్ పట్టాలెక్కాల్సి ఉన్నప్పటికి, కొన్ని కారణాల వలన ఆగిపోయింది. ఇప్పుడు సెట్స్ పైకి తీసుకెళ్ళేందుకు త్రివిక్రమ్ సన్నాహాలు చేస్తున్నట్టు సమాచారం. మరి ఇది నిజామా కదా అనేది తెలియాల్సి ఉంది.