by సూర్య | Sat, Oct 12, 2019, 01:23 AM

 ఇటు దక్షిణాదితోపాటు అటు బాలీవుడ్‌ ప్రాజెక్టులతో బిజీగా ఉన్న  కథానాయిక అదితిరావు హైదరి  త‌న‌కు సముద్రం దగ్గరున్న పురాతన హవేలీలో వివాహం చేసుకోవాలని ఉందని అన్నారు.

 ఈ మ‌ధ్య‌ ఓ మ్యాగజైన్‌కు ఇచ్చిన ఇంటర్వ్యూ తో, సినీ కెరీర్‌, కుటుంబంతో పాటు పెళ్లిపై తన అభిప్రాయాల్ని పాఠ‌కుల‌తో పంచుకున్నారు.  త‌న పెళ్లికి రవివర్మ పెయింటింగ్‌లో అమ్మాయిలా తయారు కావాలని ఉందని  అదే రంగుల్లోని దుస్తుల్ని ధరించాలని ఉంది. నాకు క్లాసిక్‌గా ఉండటమే ఇష్టం. సముద్రం వద్ద ఉన్న అత్యంత పురాతన హవేలీలో వివాహం చేసుకోవాలని ఉంది. హవేలీలో పెళ్లి పనులు, హడావుడి పూర్తయిన తర్వాత నా చెప్పులు తీసేసి.. ఆనందంగా అలా సముద్రం వద్దకు పరిగెడతా. ఆ రోజు మొత్తం చిందేస్తూ ఉంటా. నా ఆలోచనలు కొందరికి విచిత్రంగా అనిపించొచ్చు. కానీ నాకు ఓ గదిలో బంధించినట్లు ఉండటం నచ్చదు. అలా ఉండటం నా వల్ల కాదు’. అంటూ త‌న‌దైన శైలిలో న‌వ్వుతూ చెప్పారామె.