byసూర్య | Mon, Sep 16, 2024, 07:57 PM

హైదరాబాద్ గచ్చిబౌలి పోలీస్‌ స్టేషన్ పరిధిలో ఓ నర్సింగ్ స్టూడెంట్ అనుమానాస్పదస్థితిలో మృతి చెందింది. జడ్చర్లకు చెందిన యువతి (23) గచ్చిబౌలి చిన్న అంజయ్య నగర్‌లోని ఓ హోటల్‌ గదిలో విగతజీవిగా కనిపించింది. ఇద్దరు అమ్మాయిలు తమ ఇద్దరు బాయ్ ఫ్రెండ్స్‌తో కలిసి హోటల్‌లో రెండు గదులు బుక్ చేసినట్లు తెలిసింది. అయితే ఓ గదిలోని అమ్మాయి మాత్రం అనుమానసాస్పదస్థితిలో ప్రాణాలు కోల్పోయింది. ఫ్యాన్‌కు వేలాడుతూ ఉండగా.. గమనించిన హోటల్ సిబ్బంది పోలీసులకు సమాచారం అందించారు. గతంలో మృతురాలు ఓ కార్పొరేట్ ఆసుపత్రిలో ట్రైనీ నర్సుగా పనిచేసిన. ఆ తర్వాత జాబ్ మానేసి ఇంటికి వెళ్లింది. ఇటీవలే నగరానికి వచ్చిన యువతి.. అనుమానస్పదస్థితిలో మృతి చెందింది.

అయితే ఆమె మృతిపై కుటుంబ సభ్యులు అనుమానం వ్యక్తం చేస్తు్న్నారు. మాత్రం అది ముమ్మాటికీ హత్యేనని తేల్చి చెబుతున్నారు. తమ కూతుర్ని అత్యాచారం చేసి హతమార్చారని ఆగ్రహం వ్యక్తం చేస్తున్నారు. వారి అనుమానాలను బలపరుస్తూ హోటల్ గదిలో అక్కడక్కడ రక్తపు మరకలు కనిపించాయి. బెడ్ కింద తాగేసిన మూడు బీర్ బాటిళ్లు, ఓ వాటర్ బాటిల్, చిప్స్ ప్యాకెట్ ఇతర వస్తువులను పోలీసులు స్వాధీనం చేసుకున్నారు. గది మెుత్తం చిందర వందరగా ఉంది. వీటన్నింటిన చూసిన బంధువులు తమ అమ్మాయిని కూడా వచ్చిన ఇద్దరు యువకులు రేప్ చేసి హతమార్చినట్లు అనుమానం వ్యక్తం చేస్తున్నారు.

డెడ్ బాడీని ప్రభుత్వ ఆసుపత్రికి తరలించేందుకు పోలీసులు ప్రయత్నించగా వారిని అడ్డుకున్నారు. తమకు న్యాయం చేశాకే శవాన్ని తరలించాలని హోటల్ ముందు బైఠాయించి నిరసన వ్యక్తం చేశారు. పోలీసులు వారికి నచ్చజెప్పి డెడ్‌బాడీని పోస్టుమార్టం నిమిత్తం ఉస్మానియా హాస్పిటల్‌కి తరలించారు. ఈ మేరకు కేసు నమోదు చేసుకున్న గచ్చిబౌలి పోలీసులు దర్యాప్తు చేపడుతున్నారు. మృతురాలితో పాటు హోటల్‌కు వచ్చిన ఇద్దరు యువకులను అదుపులోకి తీసుకొని విచారణ చేపట్టారు. ప్రస్తుతానికి అనుమానాస్పద మృతిగా కేసు నమోదు చేసుకొని విచారణ చేస్తున్నట్లు పోలీసులు వెల్లడించారు. విచారణ తర్వాత పూర్తి వివరాలు వెల్లడిస్తామన్నారు.