byసూర్య | Wed, Jun 26, 2024, 08:38 PM

రైల్వే ప్రయాణికులకు సౌత్ సెంట్రల్ రైల్వే బ్యాడ్‌న్యూస్ చెప్పింది. పలు ట్రైన్లు రద్దు చేయటంతో పాటు మరికొన్ని ట్రైన్లు దారి మళ్లించారు. సౌత్ సెంట్రల్ రైల్వే జోన్‌ పరిధిలోని కాజీపేట-బల్లార్ష సెక్షన్‌లో ట్రైన్ల రాకపోకలకు అంతరాయం కలగనుంది. ఆసిఫాబాద్‌-రేచ్ని రైల్వే స్టేషన్ల మధ్య మూడో రైల్వే లైను నిర్మాణం జరగుతుండగా.. నిర్వహణ పనుల కారణంగా వేర్వేరు రోజుల్లో మొత్తం 78 ట్రైన్లను రద్దు చేశారు. మరో 26 ఎక్స్‌ప్రెస్‌లను దారి మళ్లించారు. ఈ మేరకు సౌత్ సెంట్రల్ రైల్వే అధికారులు వివరాలు వెల్లడించారు.

 సికింద్రాబాద్‌-సిర్పూర్‌ కాగజ్‌నగర్‌ల మధ్య తిరిగే కాగజ్‌నగర్‌ ఎక్స్‌ప్రెస్‌ ట్రైన్లు జూన్‌ 26 నుంచి జులై 6 వరకు క్యాన్సిల్ చేశారు. పుణె-కాజీపేట ఎక్స్‌ప్రెస్‌ ట్రైన్‌ను జూన్ 28, జులై 5 వ తేదీ.. కాజీపేట-పుణె ఎక్స్‌ప్రెస్‌ ట్రైన్ జూన్‌ 30, జులై 7న రద్దు చేశారు. హైదరాబాద్‌-గోరఖ్‌పుర్‌ ఎక్స్‌ప్రెస్ ట్రైన్ జూన్‌ 28న, గోరఖ్‌పుర్‌-హైదరాబాద్‌ ఎక్స్‌ప్రెస్‌ ట్రైన్ జులై 30న రద్దు చేశారు. సికింద్రాబాద్‌-రాక్సల్‌ మధ్య రాకపోకలు సాగించే మూడు ట్రైన్లు జూన్‌ 26, 27, 28 తేదీల్లో రద్దు చేశారు.

సికింద్రాబాద్‌-దానాపుర్ నగరాల మధ్య తిరిగే వేర్వేరు ఆరు ట్రైన్లు ఈనెల 27, 28, 29, జులై 1 తేదీల్లో క్యాన్సిల్ చేశారు. సికింద్రాబాద్‌-సుభేదార్‌గంజ్‌ మధ్య తిరిగే ట్రైన్లు జూన్‌ 27, 29 తేదీల్లో క్యాన్సిల్ అయ్యాయి. ముజఫర్‌పుర్‌-సికింద్రాబాద్‌ మధ్య నడిచే ట్రైన్లు జులై 2న, సికింద్రాబాద్‌-ముజఫర్‌పుర్‌ మధ్య తిరిగే ట్రైన్లు జూన్‌ 27, జులై 4న రద్దు చేశారు. గోరఖ్‌పుర్‌-జడ్చర్ల ట్రైన్‌ను జూన్‌ 29న, జడ్చర్ల-గోరఖ్‌పుర్‌ ట్రైన్లు జులై 1న క్యాన్సిల్ చేశారు.

దారి మళ్లించిన ట్రైన్లు..

తెలంగాణ, దురంతో ఎక్స్‌ప్రెస్‌ ట్రైన్లను దారి మళ్లించి నడిపించాలని సౌత్ సెంట్రల్ రైల్వే నిర్ణయించింది. కాజీపేట మీదుగా వెళ్లే సికింద్రాబాద్‌-న్యూఢిల్లీ తెలంగాణ ఎక్స్‌ప్రెస్‌ ట్రైన్‌ను జులై 4, 5, 6 తేదీల్లో నిజామాబాద్, ముద్కేడ్‌ మీదుగా డైవర్ట్ చేయనున్నారు. కాజీపేట, రామగుండం, మంచిర్యాల, బెల్లంపల్లి స్టేషన్లను ట్రైన్ల ప్రయాణ మార్గం నుంచి తొలగించారు. న్యూ ఢిల్లీ-సికింద్రాబాద్‌ మధ్య నడిచే తెలంగాణ ఎక్స్‌ప్రెస్‌ను జులై 3, 4, 5 తేదీల్లో ముద్కేడ్, నిజామాబాద్‌ మీదుగా నడిపించనున్నారు. బెల్లంపల్లి, మంచిర్యాల, రామగుండం, కాజీపేట స్టేషన్లను ఈ ట్రైన్ ప్రయాణమార్గం నుంచి తొలగించారు. సికింద్రాబాద్‌-నిజాముద్దీన్‌ ఎక్స్‌ప్రెస్ ట్రైన్, నిజాముద్దీన్‌-సికింద్రాబాద్‌ దురంతో ఎక్స్‌ప్రెస్‌ ట్రైన్లను జులై 4, 5 తేదీల్లో నిజామాబాద్‌ మీదుగా డైవర్ట్ చేసి నడిపించనున్నారు.