byసూర్య | Tue, Apr 23, 2024, 09:08 PM

తెలంగాణలో గతకొన్ని రోజులుగా భిన్న వాతావరణం నెలకొని ఉంటుంది. ఓ వైపు ఎండలు దంచికొడుతుండగా.. మరోవైపు అడపాదడపా వర్షాలు కురుస్తున్నాయి. గత రెండ్రోజల క్రితం రాష్ట్రంలోని పలు జిల్లాల్లో అకాల వర్షాలు కురిశాయి. హైదరాబాద్‌లోనూ వర్షం దంచికొట్టింది. అయితే వాతావరణంలో అనుహ్యంగా మార్పులు చోటు చేసుకుంటున్నాయి. భారత వాతావరణ శాఖ వెల్లడించిన వివరాల ప్రకారం రాష్ట్రంలో నేడు తేలికపాటి వర్షాలు కురుస్తాయని తెలిపింది. ఉరుములు, మెరుపులతో వర్షం పడే ఛాన్స్ ఉందని.. అలాగే గంటకు 30 నుంచి 50 కిలోమీటర్ల వేగంతో గాలులు వీస్తాయన్నారు.

నిజామాబాద్, ఆదిలాబాద్, ఆసిఫాబాద్‌, రామగుండం ప్రాంతాల్లో వర్షం కురిసే ఛాన్స్ ఉన్నట్లు వెల్లడించారు. అదే సమయంలో ఉష్ణోగ్రతలు కూడా పెరుగుతాయన్నారు. తెలంగాణలో పగటివేళ 36 నుంచి 42 డిగ్రీల సెంటీగ్రేడ్ వరకూ వేడి ఉంటుందని చెప్పారు. దక్షిణ తెలంగాణ, తూర్పు తెలంగాణలో ఎండ తీవ్రత ఎక్కువగా ఉంటుందన్నారు. కొన్ని ప్రాంతాల్లో 42 డిగ్రీలకు పైనే ఎండల తీవ్రత నమోదయ్యే ఛాన్స్ ఉందన్నారు. ఇక హైదరాబాద్‌లో పగటి ఉష్టోగ్రతలు విపరీతంగా పెరుగుతాయన్నారు. సాయంత్రానికి వాతావరణం చల్లబడి వర్షాలు కురిసే అవకాశం ఉందని ఐఎండీ అధికారులు వెల్లడించారు.