ఆకాశంలో అద్భుతం.. 54 ఏళ్ల తర్వాత.. ఉగాది ముందు రోజున సుదీర్ఘ సూర్యగ్రహణం

ఏప్రిల్ 9వ తేదీ మంగళవారం రోజున ఉగాది పర్వదినం కాగా.. శ్రీ క్రోధినామ తెలుగు సంవత్సరం ప్రారంభం కానుంది. అయితే.. ఉగాది ముందు రోజు అంటే.. సోమవారం (ఏప్రిల్ 8 తేదీన) 2024 ఏడాదిలో మొట్టమొదటి సంపూర్ణ సూర్యగ్రహణం ఏర్పడనుంది. ఇలాంటి సంపూర్ణ సూర్యగ్రహణం 54 ఏళ్ల తర్వాత మళ్లీ ఏర్పడుంతోందనని ఖగోళ శాస్త్రవేత్తలు చెప్తున్నారు. గతంలో.. 1970లో చివరిసారిగా ఇటువంటి సూర్యగ్రహణం సంభవించినట్టు నివేదికల ద్వారా తెలుస్తోంది. అయితే.. అసలు విషయం ఏమిటంటే.. ఈ సంపూర్ణ సూర్యగ్రహణం భారతదేశంలో కనిపించదు. ఈ అరుదైన సూర్యగ్రహణం ఏర్పడే సమయానికి మన ఇండియాలో రాత్రి అవుతుంది. దీంతో.. సూర్యగ్రహణ ప్రభావం దేశంపై ఉండదు. ఇతర దేశాల్లో మాత్రం.. సుదీర్ఘంగా ఏడున్నర నిమిషాల పాటు పగటిపూటే చిమ్మ చీకట్లు అలుముకుంటాయి.

కాగా.. ఈ అద్భుతం మెక్సికో పసిఫిక్ తీరం నుంచి ప్రారంభమై.. అమెరికా సంయుక్త రాష్ట్రాల గుండా ప్రయాణించి, తూర్పు కెనడాలో ముగుస్తుందని చెప్తున్నారు. ఆ ప్రాంతాల్లోని మిలియన్ల మందికి ఈ గ్రహణం దృశ్యాలు కనిపించనున్నాయి. ఈ గ్రహణం ఏప్రిల్ 8న మధ్యాహ్నం 2 గంటల12 నిమిషాలకు ప్రారంభమై.. ఏప్రిల్ 9న మధ్యాహ్నం 2 గంటల 22 నిమిషాలకు ముగియనున్నట్టు చెప్తున్నారు. అయితే.. గ్రహణం గరిష్ఠ వ్యవధి 4 గంటల 28 సెకన్లు. కాగా.. ఇది 2017లో ఏర్పడిన సూర్యగ్రహణం కంటే రెట్టింపు సమయం కావటం గమనార్హం. మరోవైపు.. ఈ గ్రహణం కనిపించే.. 115 మైళ్ల వెడల్పుగల కారిడార్‌లో సుమారు 44 మిలియన్ల మంది నివసిస్తున్నట్టు అంచనా. మజాట్లాన్, మెక్సికో నుంచి న్యూఫౌండ్‌ ల్యాండ్ వరకు, అలాగే యూఎస్ఐలోని ఎక్కువ ప్రాంతాల ప్రజలకు ఈ అద్భుతాన్ని చూసే అవకాశం లభించనుంది.