byసూర్య | Sun, Dec 03, 2023, 11:06 AM

తెలంగాణ వ్యాప్తంగా కాంగ్రెస్ పార్టీ హవా కొనసాగుతోంది. ఉమ్మడి నల్గొండ, వరంగల్, ఖమ్మం జిల్లాల్లో ఆ పార్టీ అభ్యర్థులు తొలి రౌండ్ ఫలితాల్లో ఆధిక్యంలో కొనసాగుతున్నారు. ప్రస్తుతం 62 స్థానాల్లో కాంగ్రెస్, 42 స్థానాల్లో బీఆర్ఎస్, బీజేపీ 8 స్థానాల్లో, ఎంఐఎం 4 స్థానంలో ఆధిక్యంలో ఉన్నాయి. 
తెలంగాణ అసెంబ్లీ ఎన్నికల్లో పోటీ చేసిన జనసేన వెనుకంజలో కొనసాగుతోంది. కూకట్పల్లిలో ఆ పార్టీ అభ్యర్థి ప్రేమకుమార్ మూడో స్థానంలో కొనసాగుతున్నారు. ఖమ్మం, అశ్వారావుపేట, కొత్తగూడెం, మధిర, వైరా, నాగర్ కర్నూల్, కోదాడ నియోజకవర్గాల్లో ఆ పార్టీ అభ్యర్థులు వెనుకంజలో ఉన్నారు. అయితే రౌండ్లు పెరిగే కొద్ది తమ అభ్యర్థులు ఆధిక్యంలోకి వచ్చే అవకాశం ఉందని జనసేన నేతలు ఆశాభావం వ్యక్తం చేస్తున్నారు.