byసూర్య | Sun, Mar 19, 2023, 06:34 PM

నిజామాబాద్ నుంచి హైదరాబాద్ వెళ్తున్న క్రమంలో.. కామారెడ్డి జాతీయ రహదారిపై నిజామాబాద్ అర్బన్ ఎమ్మెల్యే బిగాల గణేష్ గుప్తా సిబ్బంది కారు ముందుగా వెళ్తున్న మరో కారును ఢీకొనడంతో ప్రమాదం సంభవించింది. అయితే.. ఈ ప్రమాదంలో గణేష్ గుప్తాకు చెందిన సెక్యూరిటీ సిబ్బందికి స్వల్ప గాయాలయ్యాయి. కాగా.. వారిని చికిత్స నిమిత్తం వెంటనే నిజామాబాద్‌కు తరలించారు. అయితే.. ఎమ్మెల్యే గణేష్ గుప్తా కారుకు.. సెక్యూరిటీ కారుకు మధ్యలో ఇంకో కారు రావడంతో ఈ ప్రమాదం చోటుచేసుకున్నట్టు తెలుస్తోంది. కాగా.. ఈ ప్రమాదంలో ఎమ్మెల్యే గణేష్ గుప్తాకు ఎలాంటి ప్రమాదం జరగకపోవటంతో అందరూ ఊపిరిపీల్చుకున్నారు.

సమాచారం అందుకున్న పోలీసులు హుటాహుటిన ఘటనా స్థలికి చేరుకుని పరిశీలించారు. కేసు నమోదు చేసుకుని దర్యాప్తు చేస్తున్నారు. ప్రమాదానికి కారణమైన కారు వివరాలు తెలుసుకుంటున్నారు. కాగా.. ఈ ప్రమాదంలో రెండు కార్ల ముందు భాగాలు దెబ్బతిన్నాయి.