సాంగ్ టాక్: చాలా రోజుల తర్వాత మనసు మెచ్చే పాట

చాలా తక్కువ టైం లో యువతలో బాగా క్రేజ్ తెచ్చుకున్న హీరో ఎవరు అంటే కచ్చితంగా 'విజయ్ దేవరకొండ' ముందు వరుసలో ఉంటాడని చెప్పవచ్చు. యూత్ కి నచ్చే సినిమాలు చేస్తూ తనకంటూ ప్రత్యేక గుర్తింపు తెచ్చుకుంటున్నాడు ఈ యువ హీరో.ఇప్పుడు అందరూ విజయ్ నుంచి వస్తున్న 'డియర్ కామ్రేడ్' సినిమా కోసం వేచి చూస్తున్నారు.ఈ సినిమాలో విజయ్ దేవరకొండ సరసన రష్మిక మందన నటించింది. ఆల్రెడీ 'గీత గోవిందం'తో భలే జోడీ అనిపించుకున్న జంట కావడంతో, ఈ సినిమాపై సహజంగానే అంచనాలు పెరిగాయి. ఈ సినిమాకు భరత్ కమ్మ దర్శకత్వం వహించారు.

తాజాగా ఈ సినిమా నుంచి మూడో లిరికల్ వీడియో సాంగును విడుదల చేశారు. "గిర గిర గిర తిరగలిలాగా .. తిరిగి అరిగిపోయినా దినుసే నలగాలేదుగా .., అలుపెరుగక తన వెనకాలే అలసి సొలసి పోయినా మనసే కరుగ లేదులే" అంటూ ఈ పాట సాగుతోంది. జస్టిన్ ప్రభాకరన్ సంగీతం .. రెహ్మాన్ సాహిత్యం .. గౌతమ్ భరద్వాజ్ - యామినీ ఘంటసాల ఆలాపన మనసుకు పట్టేలా వున్నాయి. ఈ మధ్య కాలంలో వచ్చిన మంచి మెలోడియస్ సాంగ్స్ లో ఇదొకటని చెప్పొచ్చు. వచ్చేనెల 26వ తేదీన ఈ సినిమాను విడుదల చేయనున్నారు.

The 3rd song from #DearComrade, #GiraGira ❤️https://t.co/7AkVTNmxli

— Mythri Movie Makers (@MythriOfficial) June 20, 2019