by సూర్య | Mon, Jun 17, 2024, 06:58 PM

తెలుగు నటుడు సందీప్ కిషన్ తన తదుపరి ప్రాజెక్ట్ ని త్రినాధ రావు నక్కిన దర్శకత్వంలో చేస్తున్న సంగతి అందరికి తెలిసిందే. ఈ చిత్రానికి 'SK30' అనే టైటిల్ ని పెట్టారు. ఇటీవలే ఈ సినిమా పూజా కార్యక్రమాలతో ప్రారంభమైంది. తాజాగా మూవీ మేకర్స్ ఈ సినిమా రైటర్ ప్రసన్న కుమార్ కి పుట్టినరోజు శుభాకాంక్షలు తెలుపుతూ మూవీ టీమ్ ఒక స్పెషల్ పోస్టర్ ని విడుదల చేసింది. రావు రమేష్ ఈ సినిమాలో కీలక పాత్ర పోషిస్తున్నారు. ఈ సినిమా రెగ్యులర్ షూట్ త్వరలో ప్రారంభమవుతుంది. ఈ ప్రాజెక్ట్‌కి కథ, స్క్రీన్‌ప్లే మరియు సంభాషణలకు ప్రముఖ రచయిత ప్రసన్న కుమార్ బాధ్యత వహిస్తున్నారు. హాస్య మూవీస్‌, ఏకే ఎంటర్‌టైన్‌మెంట్స్‌ పతాకాలపై ఈ చిత్రాన్ని నిర్మించనున్నారు. పూర్తిస్థాయి ఫ్యామిలీ ఎంటర్‌టైనర్‌గా రూపొందుతున్న ఈ చిత్రాన్ని రాజేష్ దండా నిర్మిస్తుండగా, బాలాజీ గుత్తా సహ నిర్మాతగా వ్యవహరించనున్నారు.