by సూర్య | Fri, Mar 29, 2024, 12:03 PM

మాములుగా హాలీవుడ్ చిత్రాల‌కు ఉండే క్రేజ్ స‌ప‌రేటు.. న‌చ్చితే సొంత లాంగ్వేజ్ సినిమాల‌కు మించి క‌లెక్ష‌న్లు ముట్ట‌జెబుతారు. ఈ విష‌యం ఇప‌ప‌ప్టికే చాలా సినిమాల విష‌యంలో రుజువైంది కూడా. ఇప్పుడు ఇదే కోవ‌లో ఇప్పుడు ఓ చిత్రం రాబోతుంది. ప్ర‌స్తుతం ప్ర‌పంచ వ్యాప్తంగా ప్ర‌జ‌లు ఎదురు చూస్తున్న సినిమా ఏదైనా ఉందా అంటే అది ‘గాడ్జిల్లా అండ్‌ కాంగ్‌’ మాత్ర‌మే. ఎన్న‌డు లేనంత‌గా చాలా మంది ప్రేక్ష‌కులు ఈ చిత్రం విడుద‌ల కోసం వెయిట్ చేస్తున్నారు. గ‌తంలో అవెంజ‌ర్స్ ఎండ్‌గేమ్ సినిమాకు ఎలా అయితే అభిమానులు ఎదురు చూశారో ఇప్పుడు అంత‌కుమించి అనేలా ఫ్యాన్స్ ఈ సినిమా కోసం ఈగ‌ర్లీ వెయిట్ చేస్తున్నారంటే అతిశ‌యోక్తి కాదు. గ‌త వారం ప‌దిరోజులుల‌గా ఈ సినిమాపై సోష‌ల్ మీడియాలో చ‌ర్చ వీప‌రీతంగా న‌డుస్తోండ‌గా యూట్యూబ్‌లో అయితే వేలు, ల‌క్ష‌ల్లోనే వీడియోలు పెడుతున్నారు ఫ్యాన్స్‌. అయితే.. హాలీవుడ్‌ చిత్రాల్లో ‘గాడ్జిల్లా అండ్‌ కాంగ్‌’ చిత్రాలకు ప్రత్యేక ఆదరణ ఉంటుంది. ఈ తరహా చిత్రాలను పిల్లలతో పాటు పెద్దలు కూడా ఆదరిస్తారు. ఈ సిరీస్‌ల‌లో ఇప్పటివరకు వచ్చిన చిత్రాలు కాసుల వర్షం కురిపించాయి. అదే వ‌రుస‌లో ఇప్పుడు వస్తున్న మరో భారీ చిత్రం ‘గాడ్జిల్లా అండ్‌ కాంగ్‌ - ది ఎంపైర్‌’ మూవీ. శుక్ర‌వారం న ప్ర‌పంచ‌వ్యాప్తంగా విడుద‌ల కానుంది. గ‌త చిత్రాల‌కు మిన్న‌గా యాక్ష‌న్‌, అడ్వెంచ‌ర్ సీన్స్ ఈ సినిమాలో ఉంటుండ‌గా , గాడ్జిల్లాను మోస్ట్ ప‌వ‌ర్ ఫుల్‌గా చూయించ‌నున్నారు. అలాంటి గాడ్జిల్లాను ఎదుర్కొవ‌డానికి కాంగ్ చేసే పోరాటాలు, మ‌ధ్య‌లో సైంటిస్టులు కాంగ్‌కు సాయంగా రావ‌డం త‌దిత‌ర ఆస‌క్తి అంశాల‌తో సినిమాను తెర‌కెక్కించారు. ఈ సినిమాకు ఆడమ్‌ వింగార్డ్‌ దర్శకత్వం వహించగా, లెజెండరీ పిక్చర్స్‌ సంస్థ భారీ బడ్జెట్‌తో తెరకెక్కించింది. ఈ చిత్రంలో రెబెకా హాల్‌, బ్రియాన్‌ టైరీ హెన్రీ, డాన్‌ స్టీవెన్స్‌, కైలీ హాట్లీ, అలెక్స్‌ ఫెర్న్స్‌, ఫలచెన్‌ తదితరులు నటించారు.