by సూర్య | Tue, Feb 20, 2024, 01:38 PM

దిల్ రాజు  సోద‌రుడు నిర్మాత శిరీష్ రెడ్డి త‌న‌యుడు ఆశిష్ రెడ్డి వివాహం ఆంధ్రప్రదేశ్‌కు చెందిన అద్విత రెడ్డితో ఇటీవ‌లే రాజ‌స్టాన్‌లోని జైపూర్‌లో అంగ‌రంగ వైభ‌వంగా జ‌రిగిన విష‌యం తెలిసిందే. ఈ వేడుకకు సినీ ఇండ‌స్ట్రీ నుంచి అత్యంత స‌న్నిహితులు మాత్ర‌మే హ‌జ‌ర‌య్యారు. ఈ వేడుక అనంత‌రం రెండు రోజుల క్రిత‌మే వ‌ధూవ‌రులు హైద్రాబాద్‌కు రాగా ఆదివారం వారిరువురు క‌లిసి ఉన్న ఫొటోను అభిమానుల‌తో పంచుకున్నారు. అయితే ఈ వివాహ వేకడుక‌కు సంబంధించిన ఫొటోలు, వీడియోలు బ‌య‌ట‌కి అంత‌గా రాకున్నా తాజాగా జ‌రిగిన సంగీత్ వేడుక‌లో దిల్ రాజు చేసిన హంగామా అంద‌రినీ ఆక‌ట్టుకుంటోంది. హలమితీ హబీబీ వంటి పాట‌ల‌కు డ్యాన్స్ చేయ‌గా ఆ వీడియోలు బ‌య‌ట‌కి వ‌చ్చి నెట్టింట తెగ వైర‌ల్ అవుతున్నాయి.