by సూర్య | Wed, Jan 25, 2023, 05:11 PM

నాచురల్ స్టార్ నాని 'దసరా' సినిమాతో పాన్ ఇండియా బరిలోకి దిగుతున్న విషయం తెలిసిందే. కీర్తి సురేష్ హీరోయిన్ గా నటిస్తున్న ఈ సినిమాను కొత్త దర్శకుడు శ్రీకాంత్ ఓదెల డైరెక్ట్ చేస్తున్నారు. సుధాకర్ చెరుకూరి నిర్మిస్తున్నారు.

ఇటీవలే షూటింగ్ పూర్తి చేసుకుని ప్రస్తుతం పోస్ట్ ప్రొడక్షన్ పనులను ముమ్మరంగా జరుపుకుంటున్న ఈ సినిమా యొక్క ఓవర్సీస్ హక్కులను ఫార్స్ ఫిలిం సంస్థ చేజిక్కించుకుందట. త్వరలోనే ఈ మేరకు అధికారిక ప్రకటన కూడా రాబోతుందట. పోతే,  రీసెంట్ సెన్సేషన్ పఠాన్ సినిమాను ఓవర్సీస్ లో డిస్ట్రిబ్యూట్ చేసింది ఫార్స్ ఫిలిం సంస్థే.

సంతోష్ నారాయణ్ సంగీతం అందిస్తున్న ఈ సినిమాలో దీక్షిత్ శెట్టి కీరోల్ లో నటిస్తున్నారు. మార్చి 30న పాన్ ఇండియా భాషల్లో విడుదల కాబోతుంది.