by సూర్య | Thu, Nov 24, 2022, 03:06 PM

పాన్ ఇండియా ప్రేక్షకులు విశేషంగా ఎదురుచూస్తున్న రీజినల్ కన్నడ మూవీ "కాంతార" నిన్న అర్ధరాత్రి నుండే అమెజాన్ ప్రైమ్ వీడియోలోకి అడుగుపెట్టింది. రిపీటెడ్ ఆడియన్స్, ఫస్ట్ టైం చూసే ఆడియన్స్ ... ఇరు వర్గాలూ ఎంతో కుతూహలంగా కాంతార ను చూడాలని ఆశపడ్డారు. కానీ, కాంతార డిజిటల్ వెర్షన్ నెటిజన్లను తీవ్రంగా నిరుత్సాహపరుస్తుంది.

ఎందుకంటే, సినిమాకు వెన్నెముకగా నిలిచిన 'వరాహరూపం' పాటను కాపీ రైట్స్ ఇష్యూ కారణంగా మేకర్స్ మరొక ట్యూన్ తో రూపొందించి ఓటిటి వెర్షన్ కి జత చేసారు. ఓల్డ్ వెర్షన్ వరాహరూపం సాంగ్ థియేటర్లో ప్లే అవుతుంటే ఆ సౌండ్ కి, విజువల్స్ కి చూసే ప్రేక్షకులకు లిటరల్ గా గూజ్ బంప్స్ వస్తాయి. కానీ, ఓటిటి వెర్షన్ వరాహరూపం సాంగ్ సినిమాపై అంతగా ఇంపాక్ట్ చూపించలేకపోతుంది. ఫస్ట్ టైం చూసే ఆడియన్స్ కు అంతగా తేడా తెలియకపోవచ్చు కానీ, ఆల్రెడీ చూసిన ప్రేక్షకులను ఓటిటి వెర్షన్ కాంతార నిజంగా నిరుత్సాహపరుస్తుంది.