by సూర్య | Sat, May 14, 2022, 01:56 PM
గౌతమ్ SSC, చందమామ మరియు ఆర్య 2 వంటి చిత్రాలలో నటించి మంచి గుర్తింపు పొందిన టాలీవుడ్ యంగ్ అండ్ టాలెంటెడ్ హీరో నవదీప్ ప్రస్తుతం కొన్ని ప్రాజెక్ట్స్ తో బిజీగా ఉన్నాడు. తాజాగా ఇప్పుడు ఈ హీరోకి ఒక స్టార్ హీరో నుంచి స్పెషల్ గిఫ్ట్ లభించింది. తనకి ఇచ్చిన గిఫ్ట్ ని నవదీప్ ఇన్స్టాగ్రామ్ స్టోరీ లో పోస్ట్ చేసాడు. తనకి గిఫ్ట్ ఇచ్చిన ఆ స్టార్ హీరో మరిఎవరో కాదు మన టాలీవుడ్ ఐకాన్ స్టార్ అల్లు అర్జున్. అల్లు అర్జున్ బహుమతిగా ఇచ్చిన ఎయిర్పాడ్ల ఫోటోని నవదీప్ సోషల్ మీడియాలో పోస్ట్ చేశాడు. 'ప్రేమ అనంతమైనప్పుడు, బహుమతులు సందర్భం లేకుండా ఉంటాయి. థాంక్స్ బావ్స్ అల్లు అర్జున్ ఈ సమాజం ఒప్పుకోకపోవున ఆండ్రాయిడ్ తో ఎయిర్పాడ్ వాడతా' అంటూ ఈ ఫోటోకి కాప్షన్ ఇచ్చాడు. నవదీప్ ప్రస్తుతం అవనీంద్ర దర్శకత్వం వహించిన 'లవ్ మౌళి' లో కనిపించనున్నాడు. త్వరలోనే ఈ సినిమా థియేటర్లలో విడుదల కానుంది.
Latest News