by సూర్య | Tue, Apr 06, 2021, 03:42 PM

మెగా హీరో వరుణ్ తేజ్, సాయి పల్లవి జంటగా ఫిదాలో చేసిన సందడి ప్రేక్షకులు అంత ఈజీగా మరువలేరు. అయితే తాజాగా సాయి పల్లవి, వరుణ్ తేజ్ పెళ్లి గురించి ఓ టాపిక్ వైరల్ గా మారింది. ఇన్‌స్టాగ్రామ్‌ లైవ్‌లో నాగబాబు చాట్ చేశారు. ఈ సందర్భంగా ‘వరుణ్ అన్న, సాయి పల్లవికి పెళ్లి చేస్తారా సార్.. జోడీ బాగుంటుందని ఓ నెటిజన్ కామెంట్ చేశాడు. ఈ కామెట్ పై నాగబాబు చాలా సింపుల్ గా రిప్లై ఇచ్చాడు. ఈ ప్రశ్నకు ఎలాంటి కామెంట్ చేయకుండా జాతి రత్నాలు సినిమాల్లో బ్రహ్మానందం వీడియోను పోస్ట్‌ చేశాడు. ఈ వీడియోలో బ్రహ్మానందం చెప్పే ‘తీర్పు మీరు మీరు చెప్పుకోండ్రా. ఇక, నేనేందుకు ఇక్కడి నుంచి వెళ్లిపోతాలే’ అనే డైలాగ్‌తో నాగబాబు ఇచ్చిన పంచ్ నెట్ లో వైరల్ గా మారింది. అంతకు ముందు వరుణ్ అన్న మ్యారెజ్ ఎప్పుడు చేస్తారు బాస్? అని ఓ నెటిజన్ అడుగగా మంచి సంబంధాలు ఉంటే చూడండి అంటూ సమాధానం ఇచ్చారు నాగబాబు.