by సూర్య | Tue, Mar 31, 2020, 11:52 AM

పాత్ర ఏదైనా.. డైలాగ్ ఏదైనా హావభావాలను పండించడంలో సీనియర్ ఎన్టీఆర్ కి తిరుగులేదు. ఆయన చేసిన పాత్రలు మరొకరు చేయడం అసాధ్యమని జూనియర్ ఎన్టీఆర్ కూడా ఎన్నో సందర్భాల్లో చెప్పకనే చెప్పారు. ఆ విశ్వవిఖ్యాత నట సార్వభౌమ జీవితాన్ని సినిమాగా తెరకెక్కిచ్చాడు దర్శకుడు క్రిష్. అందులో ఎన్టీఆర్ గా నందమూరి బాలకృష్ణ నటించాడు. కానీ 'ఎన్టీఆర్ కథానాయకుడు', 'ఎన్టీఆర్ మహానాయకుడు' సినిమాలు అనుకున్నతంగా విజయం సాధించలేదు. దీంతో ఇక మీదట ఎన్టీఆర్ వేషం కట్టకూడదని బాలయ్య ఫిక్స్ అయ్యాడని టాక్.దివంగత ముఖ్యమంత్రి జయలలిత జీవితం ఆధారంగా, తమిళ దర్శకుడు ఏఎల్ విజయ్ ‘తలైవి’ అనే టైటిల్ సినిమాను తెరకెక్కిస్తున్న సంగతి తెలిసిందే. ఇందులో ఎన్టీఆర్ పాత్ర కూడా వుంటుందట. కాగా ఎన్టీఆర్ పాత్ర చేయడం కోసం చిత్ర యూనిట్ బాలకృష్ణని సంప్రదించారట. కానీ ఆ పాత్ర చేయడానికి బాలకృష్ణ నిరాకరించినట్లు సమాచారం. దాంతో చేసేది ఏమి లేక ఎన్టీఆర్ పాత్రను సినిమాలో నుండి తొలిగించినట్లు తెలుస్తోంది. మరి ఎన్టీఆర్ పాత్రను నిజంగానే తొలిగించారా.. లేక మరెవరిచేతనైన నటింపజేశారా అనేది చూడాలి.