byసూర్య | Sun, Sep 24, 2023, 12:29 PM
బంగాళాఖాతంలో కొనసాగుతున్న అల్పపీడన ప్రభావంతో వచ్చే రెండు రోజులు తెలంగాణలో ఉరుములు మెరుపులతో కూడిన వర్షాలు కురిసే అవకాశం ఉన్నట్లు హైదరాబాద్ వాతావరణ కేంద్రం తెలిపింది. ఆదివారం నిర్మల్, జగిత్యాల, రాజన్న సిరిసిల్ల, మంచిర్యాల, కొమురం భీం ఆసిఫాబాద్, పెద్దపల్లి, కరీంనగర్, సిద్దిపేట జిల్లాల్లో ఓ మోస్తరు నుంచి భారీ వర్షాలు పడొచ్చని వెల్లడించింది. సోమవారం కూడా కొన్ని జిల్లాల్లో భారీ వానలు కురిసే ఛాన్స్ ఉందని పేర్కొంది.