అగ్ర హీరోలపై ఉత్తేజ్ వ్యాఖ్యలు

నాగార్జున `శివ` సినిమాలో సహాయక దర్శకుడిగా పనిచేయడమే కాకుండా.. చిన్న పాత్రలో నటించి మెప్పించిన నటుడు ఉత్తేజ్.. తర్వాత తనదైన నటనతో మంచి గుర్తింపును సంపాదించుకున్నారు. నటనకు సంబంధించిన శిక్షణా సంస్థను స్థాపించి ఔత్సాహిక యువతీయువకులకు శిక్షణనిస్తున్నారు. ఇటీవల ఆయన ఓ ఇంటర్వ్యూలో మాట్లాడుతూ వారసత్వ నటులు గురించి చేసిన వ్యాఖ్యలు ఆసక్తికరంగా మారాయి. దానికి సంబంధించిన వార్తలు నెట్టింట్లో హల్ చల్ చేస్తున్నాయి.

వారసత్వమనేది నాగార్జున కాలం నుండి చూస్తున్నామని అయితే నట వారసులకు కూడా ఒకట్రెండు ఛాన్సులు మాత్రమే ఉంటాయని, నటవారసులు కూడా నిరూపించుకోకపోతే ఏం జరగుతుందో మనకు తెలుసునని ఉత్తేజ్ వ్యాఖ్యానించారు. రామ్‌చరణ్ చాలా ఫ్రొఫెషనల్ యాక్టర్.. అది తన తండ్రి నుండి వచ్చిన క్వాలిటీ. అల్లు అర్జున్ తొలి సినిమా నుండి, ప్రతి సినిమాకు తనను తాను చెక్కుకున్నారు. రవితేజ రియలిస్టిక్‌గా నటిస్తారని, ఎన్టీఆర్ పెద్ద స్టారే కాదు.. వ‌ృత్తి నిబద్ధత ఉన్ననటుడని తెలిపారు ఉత్తేజ్.