by సూర్య | Wed, Jun 12, 2019, 10:43 AM

నటి మాధవీలత సినీ, రాజకీయ ప్రేమికురాలు మాత్రమే కాదు.. మంచి జంతు ప్రేమికురాలు కూడా. ‘నచ్చవులే’ చిత్రంతో తెలుగు ప్రేక్షకుల్ని ఆకట్టుకున్న ఈ తెలుగు బ్యూటీకి సినీ ఆఫర్లు కరువు కావడంతో లాభం లేదనుకుని పొలిటికల్ ఎంట్రీ ఇచ్చి కాషాయి కండువా కప్పేసుకుంది. 2019 ఎన్నికల్లో గుంటూరు పశ్చిమ నియోజక వర్గం నుండి ఎమ్మెల్యేగా పోటీ చేసి డిపాజిట్లను కోల్పోయింది. 

ఎన్నికల ప్రచారంతో బాగా అలిసిన ఈ తెలుగు బ్యూటీ ఇప్పుడు రిలాక్స్ మోడ్‌లో ఉంది. ఈ సందర్భంలో తనకు ఎంతో ఇష్టమైన క్యూట్ క్యాట్‌‌తో సరదాగా గడుపుతోంది. చూడ్డానికి ఎంతో ముద్దుగా ఉన్న క్యూటీ అనే పిల్లి ఫొటోలను వరుసగా షేర్ చేస్తున్న మాధవీలత.. తాజాగా ఆ పిల్లిని ముద్దులతో ఉక్కిరిబిక్కిరి చేసేసింది. 

‘పిల్లిని చేతుల్లోకి తీసుకుని ఉమ్మా.. ఉమ్మా.. అంటూ ముద్దుల వర్షం కురిపిస్తూ.. నీ చిన్ని మీసాలు గుచ్చుకుంటున్నాయి. జాస్మిన్ కుట్టీ.. చిన్ని కుట్టీ.. ఆమ్ తింటావా? చికెన్ తింటావా? ఫిష్ తింటావా అంటూ ఆ పిల్లిని ముద్దు చేస్తూ సెల్ఫీ వీడియో తీసుకుని సోషల్ మీడియా పోస్ట్ చేసింది మాధవీలత. 5.6 మిలియన్ ఫాలోవర్స్ ఉన్న మాధవీలత పోస్ట్ చేసిన ‘పిల్లి ముద్దుల వీడియో’ అదిరిపోయే రెస్పాన్స్ వస్తోంది. ప్రతి ఒక్కరూ ఇలా జంతువుల్ని ప్రేమించాలి.. మీరు సూపర్ మేడమ్ అని ఎక్కువ మంది పాజిటివ్‌గా స్పందిస్తుంటే.. ఏంటి మేడమ్ ఇది? పిల్లల్ని ఎత్తుకుని మద్దులు పెట్టాల్సిన వయసులో పిల్లులకు ముద్దులు పెడుతున్నారు అంటూ సెటైర్‌లు వేస్తున్నారు.