by సూర్య | Fri, Jun 14, 2024, 04:22 PM

పెద్ద స్టార్స్‌తో ఎన్నో సూపర్‌హిట్ ఫ్యామిలీ ఎంటర్‌టైనర్‌లను అందించిన దర్శకుడు కె విజయ భాస్కర్ గురించి ప్రత్యేకంగా పరిచయం అక్కర్లేదు. కొంత విరామం తర్వాత ఈ స్టార్ డైరెక్టర్ ఈసారి తన కుమారుడు శ్రీ కమల్‌ని 'ఉషా పరిణయం' అనే కొత్త ఫీల్ గుడ్ ఫ్యామిలీ ఎంటర్‌టైనర్‌తో పరిచయం చేస్తున్నాడు. తాజాగా ఇప్పుడు మూవీ మేకర్స్ ఈ సినిమాలోని ఎదురుగా నువ్వుంటే సాంగ్ ని జూన్ 15న ఉదయం 11:16 గంటలకి విడుదల చేయనున్నట్లు సోషల్ మీడియాలో సరికొత్త పోస్టర్ ని విడుదల చేసి అధికారకంగా ప్రకటించారు. 'లవ్ ఈజ్ బ్యూటిఫుల్' అనేది సినిమా క్యాప్షన్. ఈ చిత్రం లో తన్వి ఆకాంక్ష కథానాయికగా నటిస్తుంది. వెన్నెల కిషోర్, శివాజీరాజా, ఆమని, సుధ, ఆనంద్ చక్రపాణి, రజిత, బాలకృష్ణ, సూర్య, మధుమణి తదితరులు ఈ చిత్రంలో కీలక పాత్రలు పోషిస్తున్నారు.