by సూర్య | Tue, May 28, 2024, 07:05 PM

కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ఈ చిత్రం అక్టోబర్ 10న విడుదల కానుంది. ప్రస్తుతం నిర్మాణంలో ఉన్న ఈ సినిమాలో జూనియర్ ఎన్టీఆర్ పాత్ర గురించి ఒక ఆసక్తికరమైన అప్డేట్ వెలువడింది. ద్విపాత్రాభినయం అనే పుకార్లకు విరుద్ధంగా, జూనియర్ ఎన్టీఆర్ ఈ సినిమాలో దేవా మరియు వర అనే పాత్రలలో ఒకే వ్యక్తిగా నటిస్తున్నట్లు సమాచారం. త్వరలోనే ఈ వివరాలపై అధికారిక ప్రకటన వెలువడనుంది. ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ సినిమాలో సైఫ్ అలీ ఖాన్, శృతిమరాఠే, తారక్ పొన్నప కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నారు. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.