by సూర్య | Thu, May 23, 2024, 03:47 PM

అర్జున్ YK దర్శకత్వంలో టాలీవుడ్ హీరో సుహాస్ నటించిన 'ప్రసన్నవదనం' సినిమా మే 3, 2024న థియేటర్లలో గ్రాండ్ గా విడుదల అయ్యింది. ఈ సినిమా యొక్క డిజిటల్ స్ట్రీమింగ్ రైట్స్ ని తెలుగు OTT ప్లాట్‌ఫాం ఆహా సొంతం చేసుకున్న సంగతి అందరికి తెలిసిందే. ఈ సినిమా మే 24, 2024న డిజిటల్ స్ట్రీమింగ్ కి అందుబాటులోకి రానుంది. తాజాగా ఇప్పుడు ఈ సినిమా ఆహా గోల్డ్ సబ్స్క్రిప్షన్ ఉన్న యూజర్స్ కి 24 గంటల ముందే ప్రసారానికి అందుబాటులోకి వచ్చింది. ఈ విషయాన్ని డిజిటల్ ప్లాట్ఫారం అధికారకంగా ప్రకటించింది. ఈ చిత్రంలో పాయల్ రాధాకృష్ణ మరియు రాశి సింగ్ మహిళా కథానాయికలుగా నటించారు. నందు, వైవా హర్ష, చెముడు, నితిన్ ప్రసన్న, సాయి శ్వేత మరియు కుశాలిని ఈ సినిమాలో కీలక పాత్రలో కనిపించనున్నారు. లిటిల్ థాట్స్ సినిమాస్ బ్యానర్‌పై మణికంఠ జెఎస్ మరియు ప్రసాద్ రెడ్డి టిఆర్ ఈ సినిమాని నిర్మిస్తున్నారు. ఈ ప్రాజెక్ట్‌కు విజయ్ బుల్గానిన్ సంగీతం అందిస్తున్నారు.